九點起身沖洗，仲未收拾行裝。
九點搭十先出門口到火車站met up Wincy，好眼訓，前一晚醒下訓下又比架巴士搖到頭暈暈。
差唔多大約十點十去到上環信德中心碼頭，好餓，食左公司三文治醫肚。十一點三十五分ＴｕｒｂｏＪＥＴ開船，響艘船上玩下NDS，好快到，落船後行去漁人碼頭，一路上好很大風，地圖都張不開。
入到漁人碼頭，見到桔樹既桔俾人摘晒黎食，ｄ利是又俾人擲開晒（相信入面有一毫子），仲有泳池人地拋果ｄ一蚊兩蚊都有”某ｄ生物”起勢咁撈起，見到真係得啖笑。其實漁人碼頭有得住人既話，都幾靓既。行過有仿羅馬競技場、so called 非洲文化村...行完兩點度返酒店check in。
之後搭巴士去新馬路,敏娘食同wincy食左燒賣同green tea 豆腐花，佢話好味喎∼食左廿幾蚊咋。一路行去中三巴一路食豬扒包，兩件廿三蚊。買左三盒細既維他菊花茶，最貴囉，五蚊盒。影完相，去金沙，我都係損手離場。唔好意思再拖my buddies" time。離場後一度迷失方向，最後周圍去搵野食。
七點零到，去到一間食新加坡野既，問親ｄ侍應都係話唔知唔肯定。嗌晒野食，發覺ｄ野唔多掂先有個”似苑瓊丹子既老闆娘話我地叫果ｄ係唔好食既．．．無奈，最後仲俾佢老點左我地話仲有煙花玩，其實已經完左無得玩。好彩wincy最後都搞到人地個toliet塞，左補番數啦。
無煙花玩，行左去永利同星際，純粹一遊，響永利個toliet俾個細路女玩水搞到ｗｉｎｃｙ花容失色，一句”仲玩喎”個細佬女終被嚇番轉頭。響嘖水池影相時，大家情緒依然未能平復∼我去到邊度都既賭場都被人check I.D，更被人當成恐怖份子．．．行完兩個ｃａｓｉｎｏ後，有人派果ｄ色情單張，個阿姐話”唔同架”又笑一餐。邊行邊蕩失，行到邊就去邊，總之有路就行，去到一間百貨公司買零食，人地收少敏娘五毫子，為行程節省五毫子。
返到酒店，響升降機口講起，唔記得住幾多號房，講完２１１５號之後又驚俾人發現，話”講下笑姐”，又笑到喊。回到房間，好倦，敏娘沖涼，我打機，wincy已經訓左。到我沖完ｗｉｎｃｙ去沖，又到我訓左。之後大家都好早訓。