|
|||||||||||||||||||||||||||||||||||||||||||||||||||||||||||||||||||||||||||||||||||||
2009-7-12(星期日) 今日抬頭望上天空,真係靚到使用覺得好感到, 再加上香港有幾何個天可以咁高清,一於去影相, 左諗右諗,都係去粉嶺嘅鶴藪水塘啦 嚮粉嶺火車站出面坐52B小巴,直到總站就係啦 向車頭一真行,就會見到{香薰園}早兩日電視介紹過佢地,入去八左陣 想買香草盆栽、想睇薰衣草、想BBQ,去e道arm曬啦, 本黎想買棵香芧返屋企種,但arm arm先開始行,無理由拎住棵盤栽通山行,唯有第日再黎買 繼續上路,繼續一路陽光 再行多十幾分鐘,就到達鶴藪水塘啦,d水都好滿呀,不過就唔太清 沿湖邊行一小段,就有分叉小路,可以行上去八仙嶺同沙羅洞 e道行八仙嶺要5小時,咁嘅暴曬+高溫天氣,我梗係唔同你din啦 我就係向平山仔、沙羅洞方向,大半個小時姐. 望返上八仙嶺,嘩,曬死,不過個天又真係好靚 就快到沙羅洞,有條溪喎,落去泡下山泉,降下溫先, 嘩,好冰涼呀,仲有d魚仔、蝦仔游埋黎啄啄下,好痕呀 坐係條溪入面食埋個包又繼續上路,前面有個又香又靚嘅薑花田喎. 終紆到達沙羅洞嘅荒屋啦,不過無咩好睇,行過就算 沿路落返去大埔 今日真係高清天氣,馬鞍山都望得清清楚楚,唔出黎影相,真係好side價 完
|