漸漸發覺, 我同 Oscar 0既關係比起好多狗主同狗狗, 甚至媽媽同兒子0既關係都更加親密. 有時, 佢更代爸爸做我0既情人. 點解會咁呢... 好多人問過我呢個問題, 亦有人問我點解 Oscar 會周不時用含情脈脈0既眼神望住我. 我通常會答佢地, 係因為 Oscar 一見我就覺得有野食. 哈, 其實我知點解架! 係因為我又比 Oscar 上床訓, 食野時又分比佢, 好多時又同佢傾計, 仲會保護佢唔比d狗狗 un 佢. 所以, 0係 BB 心目中, 我係佢0既 hero, 但我都有責罵佢0既時候, 令佢對我又敬又畏. 我好珍惜同 Oscar 0既關係啊! 因為我好愛呢個小伙子!