好似平時咁, 今朝我7點起身, 準備早餐比 Oscar, 等爸爸放完 Oscar 落街尿尿後, 我就同個仔 clean up D手腳, 再餵佢食早餐, 之後就返上床訓到8點先起身洗臉, 刷牙, 換衫返工. 今日我8點半出門口, 8點50分就返到 office 啦! 比起之前返銅鑼灣, 車程短左好多!
坐定定之後, 就0係個位度一直呆坐到中午12點15分, 約埋爸爸去 MK食 lunch. 我地食左"仙跡岩", 食飽飽就去睇下衫仔同行下 DC Fever, 之後, 返 office 再度呆坐. 坐到4點幾, 有個 T.O. 比左dd野我做, 仲叫我唔洗咁趕, 慢慢做. 就咁, 準時5點45分走人.
爸爸問我, 有無後悔轉工, 我好快咁答佢無. 因為始終搵多d錢重要過興趣. 仲係五天工作 tim! 星期六早上都可以同 Oscar 去玩! 不過, 最慘就係, 無得上網同 MSN 啦! T_T...