Friday 01st October 2004 01:34:16 AM
|  |  30/10/2004 - [ 六 ] | | | | 諗番原來除左暑假去旅行果陣用過枝 100mm f/2.8 marco 影花之外, 一路都未有機會用我呢枝至愛影花...... 今日見陽光咁好, 去左香港公園影下花花~ 枝鏡真係好正, 後面個 bokeh 真係化得好靚~ 同以前用 DC 仔影個分別真係好大~ 而且今日仲見到 教 calculus 果個 lecturer~ 一家大細咁去行公園, 佢就影相, 個感覺好幸福喲~ | | |
| | 29/10/2004 - [ 五 ] | | | | 搞完個 micbio med-term lu~~~ ok la~ 唔算太難, 不過自己未背得好熟, 算啦~ 搵到個方法溫先最緊要~ 可以溫 biochem 啦! 開心~~~ 越睇就越覺D biochemical pathway 好神奇~~~ 好似好唔同o既野都可以撈埋一齊~ 個 cell 真係好勁喲~ 今日原本諗住去聽周潤發講 talk, 原本一早去排隊果陣前面都係十零個人 only, 但係到就黎入場果無啦啦有一堆 exchange student 打尖, 主要都係內地生...... 入門口果陣仲要起晒肘...... 最後我同阿香都入唔到, 阿豪佢地好彩D逼到入去...... 頂...... 唔係想話要歧視D咩人, 但係個文化分別真係幾大, 可能佢地覺得排隊果D人係多餘o既, 乜都係要爭番黎...... 唉, 估唔到連幾個外地o既 exchange 都係咁...... 不過我地都應該嘗試包容o既, 雖然有D情況真係幾難...... | | |
| | 27/10/2004 - [ 三 ] | | | | 噢~ 星期六 sports day, 星期日練波+halloween...... 仲以為有時間可以俾我溫下D biochem 添...... 贂黎呢個禮拜都係無得休息啦...... 個病仲未o牛好...... 仲有D鼻水同咳...... 唉...... 唔好搞咁耐好唔好?? | | |
|  | 26/10/2004 - [ 二 ] | | | | 將個相簿個版面改左DD, 等人地睇起黎方便D, 亦盡量保持簡潔o既感覺~ 咁樣改一改都溫左唔少 IT 堂教果D HTML tag, 而家個 IT 越教越廢, 我寧願佢教多D HTML tag 仲好啦~ 而且11月就要個 mini project, 今次就真係要寫個似樣D o既網頁啦, HTML 仲有用過佢教我地 server 結構啦...... 嘩~ 今晚終於落雨啦!!! 好舒服呀~ 不過可能因為太耐無落雨, 所以連D雨水都有一陣沙塵o既味道...... 呢幾日D空氣真係太濁啦~ 係時候洗一洗啦~ 今日知道左原來 micbio mid-term 只係考到 bacteria~ 太好啦, 仲以為 virus 都要添~ 多左時間俾我預備喲~ 三文魚好似幾鍾意張相喎~ 咁快就放左上佢個 album 度~ 我D相好似拍得住D前輩喎~ 呵呵~ http://www.fotop.net/Sammanfish/Garyphoto_com_Function____j/nicolo2 | | |
| | 25/10/2004 - [ 一 ] | | | | 果然攝影都係一門藝術, 搞得好唔好真係好主觀o既感覺~ 我覺得靚o既野人地未必會覺得靚...... 當然有人認同或者明白你想點就真係會令你好開心啦~ 但係亦有好多時候係人地完全唔知你o係度做乜, 最後就係 no commnet...... 俾唔到 impact 人地o既藝術我覺得無乜意思, 因為始終藝術係一種溝通o既工具. 雖然尋日D相幾好反應, 但係仲未感受到溝通果種感覺...... 水平真係未夠...... 除左呢張係做到呢個感覺 http://www.fotop.net/nicolo/20041024cuhka/portrait0008 Chris Wong 雖然講野快左D, 但係應該可以真真正正咁學到好多野~ 搵到溫 micbio o既方法lu~ | | |
|  | 24/10/2004 - [ 日 ] | | | | 終於都脫離頭痛o既魔掌啦! 雖然仲有D鼻水同咳, 但係唔洗頭痛就已經謝天謝地啦! 一頭痛就乜都做唔到...... 暫時覺得 biochem 真係 bio 之中最好玩..... 不過 micbio med-term 到啦...... 要俾多D時間 micbio 先得啦...... 今日第一次參加影會活動~ 發覺點樣用光真係好緊耍! 特別係自然光~ 如果個位有靚光, 張相就成功左一半啦~ 另外一半就當然係自己識走位, 搵個靚角度去影啦~ 不過今日雖然影到唔少靚相, 但係覺得自己都未完全突破到一般"美"o既境界...... 只係有一兩張做到...... 唉, 不過呢D影會活動黎講, 影到一D唔係普通到唔普通o既相就已經好好啦~ 如果要影到用人像相去講故事, 始終要同個 model 好有溝通, 而且要好熟, 因為有時D pose 只係你自己諗到, 但係又好難向一個第一次見o既 model 去做...... 如果有一個私人 model 就好啦~ 今日o既成果:: http://www.fotop.net/nicolo/20041024cuhka | | |
| | 23/10/2004 - [ 六 ] | | | | 唉, 呢兩日 keep 住病病地, 尋晚仲要成晚都即瞓唔好, 勁辛苦囉...... 雖然啪左兩粒 panadol 之後好左D, 但係藥力過左個人都仲係暈暈地, 但係辛苦還辛苦, 今日都去左長洲拜 Rosa. 年頭果時佢o岩o岩過身, 但係果時唔得閒去葬禮...... 而家終於可以去望一眼...... 雖然唔知道佢個墓o既確實地點, 但係打電話問兆華大約位置之後, 同肥龜行左幾個字終於搵到個墓. 第一下見到 Rosa 張黑白相, 果一下真係好唔知點...... 唉, 諗左好多野...... 但係...... 算啦, 都過左去啦, 命運...... | | |
|  | 20/10/2004 - [ 三 ] | | | | 睇完林一峰o既 travelogue too o既歌詞同埋入面D手稿, 明白左其實個個人o既愛情故事都一樣~ 開始>混沌>遇上>熱情,冷卻>懷念>放手>執迷>沉澱>覺悟>再遇上 每次遇上一個看似好得不可再好的對象, 燃起熱情, 內心不停掙扎, 不知如何是好, 進還是退, 但太多時候會在原地踏步, 當開始發覺要放手時, 又因為不甘而想進一步, 然而始終找不著藉口, 最後一切都停下來, 出發去尋找熱戀時迷失了的自我, 有一刻突然更認識自己, 沉澱了的心思繼續尋覓...... 十一月二號, 係一日點樣o既日子? | | |
| | 19/10/2004 - [ 二 ] | | | | 噢~ 尋晚用自己比能力睇明左 lineweaver-burk plot! 雖然仲有D枝節贂唔明, 但係主要 concept 都搞掂左~ 勁有滿足感, 但因為呢個滿足感要到尋晚3點幾先搵到, 搞到今日上 BMS 都好眼瞓..... 不過唔緊要啦~ 食食下 lunch果陣, 好似明白左D野...... 唔...... 唔好迷失方向喲! 相信自己o既直覺吧!! | | |
|  | 18/10/2004 - [ 一 ] | | | | 越睇就越覺得"beautiful mind"好睇, 睇戲果時已經好鍾意 John Nash 呢條友, full of original ideas! 而家睇書就更加覺得佢好傳奇~ 電影就話可能有D老作成份je, 但係傳記起碼有9成真呀~ 仁而且就因為夠真, 所以書果D事件就更加有趣, 哈~ 搵到第三個有趣o既科學家~ Feynman, Magueijo, Nash~ Funny~~~~~~ 終於買左林一峰隻新 cd 啦~ 勁正! 真係差唔多首首都好好聽喲! "冷熱之間"兩個 version 都好正呀~ 原裝有 at 17 和音, reprise version o既配樂就勁正~ 聽佢D歌都係可以用 enjoy 黎形容! | | |
| | 17/10/2004 - [ 日 ] | | | | 或者其實係我諗多左啦, 有時有D野真係簡單D去看待佢會好D, 一來無論結果係點自己都唔會咁傷~ 二定一個差o既結果都係因為中途自己錯誤o既決擇而造成, 既然係咁, 咁不如唔好理佢...... 讓祂安排吧! 係o既, "有D野始終會黎o既", right? ^_^ 近排好似無乜去影相添, 唉, 有太多書想睇啦...... micbio 同 biochem 都已經睇唔晒, 仲有本勁好睇o既"beautiful mind"...... 尋晚仲睇到4點幾...... 睇書o既時間真係唔覺唔覺就過左~ p.s. 發現左原來廁所係一個幾好o既睇書地方~ 當然係我屋企果個啦, 因為我屋企個廁所幾乾淨, 而且幾夠光下, 坐o係個地板涼涼地, 空氣又有D潮濕, 個人會精神D; 今日屋企無人, 坐o係廁所睇左唔少 biocehm~ 效率好過o係自己間房睇多多聲...... 難道呢D就係所謂o既廁文化????? | | |
| | 16/10/2004 - [ 六 ] | | | | 睇多次"東京日和", 再睇多次"愛我別走"...... 沉迷多一次, 困惑多一次...... 唉...... 好亂...... 唔知自己想點...... 突然有D掛住 AL o既生活, 可以乜都唔諗, 只係不停咁溫書...... | | |
| | 14/10/2004 - [ 四 ] | | | | 今晚要溫 IT...... 可能係我咁大個仔第一次溫電腦科o既 notes...... 勁唔想溫...... 勁無聊...... | | |
| | 13/10/2004 - [ 三 ] | | | | 晨早去到 AC Hall 幫D year 2 影班相, 原來只係好 casual 咁影je, 而且問過毛毛, 佢話原來係同攝影學會無關係o既~ 攝影學會果D團體相係要俾錢去影~ 咁算啦, 自己相機都唔洗用到~ 無所謂啦, 幫下手je~ 聽日唔洗番去 follow lab, 因為D fungi 一晚生唔得好多, 所以下個禮拜做 lab時 follow 今日個 lab, 好野, 有覺好瞓lu, 聽日4.30先有堂~~~ 今日係 mentor 第一次 gathering, 我個 mentor 係 Chris Wong, 幾好人啊~ 我地果組人, 阿直, 阿熙, Elsie 同 Isa 好認真咁同佢傾左幾多野下~ 佢又教左我地點讀書~ 佢話 biochem D pathway 好似好悶咁, 但係其實如果明白佢其實每個 intermate 都有 specific function, 可以係 physiological, 可以係其他唔同方面, 知道左就會覺得無咁 dry~ 而家要做o既就係記清楚邊個a點變b, b又點變c, 跟住點將所有學到o既野 link up 埋, 即係好似以前背 org chem 咁, 都係背左 preparation, reaction, 背埋 mechanism 先, 跟住先係 uses~ 同一道理可以 apply 落成個讀 bio o既過程, 讀到 doctor 之前其實都係讀緊D preparation, reaction 同 mechanism, 到左做 research 果時, 基本上係大海撈針, 如果俾你好好彩咁搵到個 reactant 同 product, 中間D synthesis 要點做就要靠自己到底有幾多料, 可唔可以叮一聲咁, 砌番晒中間D intermedate~ 對於我呢個100%反對由背野去學野o既人黎講, 佢咁講完之後都令我覺得應該用另一個角度去睇而家讀緊o既野, 係! 我明知自己o既 short term memory 係奇差, o係而家我呢個程度要明晒先去記就根本無可能, 如果因為咁而唔去記野, 其實都係俾緊藉口自己je, 咁點解唔好好咁花多D時間記下野, 一來而家知道左o既野第時一定好有用, 二來對考試都有利D呀~ 仲有佢話要將學左D野 link up 埋, 咁就會易記D, 其實 F5 果時 bio 都係因為好有系統咁將所有野用一個自制o既 content 去溫, 所以先考到個B, 到左 AL 因為太多野所以太遲先搞, 所以無時間 link 埋佢地, 所以就考得無咁好...... 其實可以趁而家學期開始無耐, 用番呢個方法去讀啦~ 應該真係幾有效~ 今日呢篇日記好緊要, 第日如果溫溫下書, 溫到迷失方向時可以睇番今日 Chris Wong 講過D乜~ | | |
| | 12/10/2004 - [ 二 ] | | | | 今朝上完科BMS1600就閃人, 唔上PE lu, 番屋企瞓下覺, 砌下份 lab report 仲好啦~ 不過 Alwin 話聽朝要早D番去幫班 year 2 影班相, 我仲以為班相係攝影學會D師兄姊去影o既添~ 不過唔緊要啦, 都係自己人je, 星期五就輪到我地影班相啦~ 哈, 第日同班同學仔熟D之後唔知可唔可以影一個番一個好似以前 7B o既 album 咁呢? funny~~~ 今日諗諗下影相o既問題時, 竟然俾我用得著D死人trigonometry, 然後計到D好似幾準確o既預測...... F.5 果時最憎就係計 trigonometry, 今日竟然用得著...... 諗到D好有趣o既野, 雖然唔會有任何實驗 data 可以證明, 不過o係一個既定事實上面再加D天馬行空o既野, 成件事唔會顯得太過離譜之餘, 亦有D新構思, 唔錯............ | | |
| | 11/10/2004 - [ 一 ] | | | | 夜晚同 peer mentor 食飯, 一大班人去樂富大排檔, 開心喲~ 幸福真係可以咁簡單? 簡單得令人難以置信! =0= 今晚唔洗瞓lu~ lab report + enzyme kinetic~ 係時候唔守規舉啦~ 他媽的 Michaelis and Menten...... 個死人豐澤, 7月份糧會計部計多左我$300, 而家先黎叫我入番俾佢...... 頂, 好似我無啦啦問佢借錢咁...... 呢D乜野會計部黎架...... 以前o係醫院做左兩年都未試過做完份工會有手尾跟...... | | |
| | 10/10/2004 - [ 日 ] | | | | 今日 bio soc 旅行~ 去燒野食, 我好似有成8,9年無燒過野食啦, 以前中學旅行我都唔會燒野食ge...... 不過今日其實都唔係食左好多野~ 都係吹下水, 影下相咁~ hae 下 hae 下就一日~ 但係回程果時見到南丫島夜晚都幾靚, 個 mood 幾好, 幾鍾意果D住家式鋪頭, 個感覺好 warm 咁~ 聽到首林一峰o既新歌, 個詞正正寫中我近排o既心情, 係中晒果隻......最後果句...... "冷熱之間" 永未預計得到 有幸能遇上妳
不得了 瞬間找到方向
我沒掉以輕心 縱是古老劇情
絕不可失禮 顧及形象
太近又會心慌 遠亦難被察覺
開心笑 也擔心太誇張
意外視線相觸 世上一切暫停
願將這一剎 盡量延長
理智快亂了 自尊心交錯
忐忑中想得太多
冷靜熱切之間 我是否會做錯
不管了 不想錯過
過去快樂遺憾匆匆閃過
忐忑中想得更多
冷靜熱切之間 決定一秒便過
喜歡你 總不會錯
儘管一試 錯又如何 見到一句野, 搞笑得黎又好有意思~ You have nothing right in your left brain and nothing left in your right brain | | |
| | 09/10/2004 - [ 六 ] | | | | 今日去左科學館睇展覽, 算係咁啦, 睇下D病變o既器官, 聽 Eric 講解仲清楚過個導遊哥哥...... 見到佢老婆好有心機咁解釋D器官功能俾個女聽, 個女又好有心機聽~ 真係模範家庭喲~~ 好幸福喲~ bio soc 因為 info day o既事俾人勁嘈...... 希望可以大事化小啦~ 其實我覺得今年班莊員都好有心機搞活動呀~ 唔洗搞到咁絕掛...... ps 唔記得介紹番尋日隻"期待眼神的貓"添~ 果隻係一隻住o係上環樓梯街o既貓仔~ 我諗佢應該得幾個月大~ 我叫佢老虎仔~ 因為佢好玩得架, 星期四夜晚去影相果時同佢玩左好耐, 玩到差D俾佢咬走左我隻拖鞋~ 佢媽媽都好靚架, 我相簿街貓集0010果張就係佢媽媽, 不過佢老豆就好 cool, 所以影唔到~ 佢地應該係一個幾大o既家族, 因為我見過兩隻大大貓o係附近走過~ 有機會再去同佢地玩~ | | |
| | 08/10/2004 - [ 五 ] | | | | 尋晚無啦啦患上急性o既非洲渴睡症...... 一食完夜晚飯就死左o係張床, 然後就一瞓到天光, 仲要仍然係好眼瞓果仔隻...... 痴線ka...... 可能人老啦, 前幾日捱一捱夜就消耗左好多精神...... 仲要係幾無謂o既消耗...... 因為個 biochem mid-term test 幾無聊下, 主要 concept 唔出, 出埋D minor 野...... 勁無 feel...... so-call o既 eassy 同我想像中差好遠, 真係唔知大學o既考試根本係咁定係只係 Dr Yang o既 style 係咁....... 個 result 真係唔想再 care 啦...... 唔知 Dr. Mak 個 style 會係點呢......??? 唔...... 幾好幾好, 呢幾日個相簿人流日日都有近百人~ 今日終於到一千人啦!! 可喜可賀~ 唔知幾時先可以拍得住D專業攝影人o既相簿咁引人注目呢!? 出左 mentoring programme 個 list, 今年我係跟阿 Dr Chris Wong, 聽聞幾好人喎~ 咁就好啦, 如果真係可以當係一個 personal tutor 咁, 咁就可以放縱咁諗問題去問 Dr Wong 啦~ 應該幾好玩! 星期日 bio soc 去南丫島旅行, 聽講果樹有好多貓~ 一定要影下佢地喲~ 諗諗下而家o既生活好似幾好咁, 有機會接受高等教育, 可以真正咁思考科學而唔係為左考試, 可以成日去影相, 屋企又夠溫飽...... 知識藝術生活都有所追求啦, 但係始終差一樣野...... 似有還無咁, 真係好難搵...... 生命入面o既一個缺失...... 令人費解...... 但仍然好令人期待...... 期盼的眼神, 妳見到嗎? | |  |
| | |
| | 04/10/2004 - [ 一 ] | | | | 呢度呢幾日無啦啦多左人睇, 既然係咁就寫多D野囉~ 橫豎呢排都諗多左野, 有多D野可以寫下...... 尋晚o係網上搵到所有aa o既 pi, 咁當然係即刻腦震盪一番, 諗下加 H+ 會點, 諗下唔同aa o係唔同 pH o既形態...... 不過始終搞唔掂個 arginine...... 今日問過 Dr Yang, 不過佢都唔知點解~ 好, 搵到D奇怪野! 呢D就係讀大學好玩之處啦~ 不斷咁挑戰D教授, 佢地亦不斷俾問題我地諗, 當然佢地要問到我地唔識就易啦, 不過當自己諗到D奇怪野, 果種 adrenaline 勁升o既感覺, 應該就係費曼同馬古悠所講果種 science 好玩o既地方掛~ 預感到呢個星期會好幸福喲! 因為有好多糖食~~~ =.=v 睇番我個討論區, 竟然未 post 過梁靜茹 o既歌...... 尋日搵到隻新歌"純真", 真係好好好聽~~ 就係咁簡單, 一隻 cello, 一部鋼琴, 一把人聲, 就可以構成一首咁動人o既歌...... 回憶泛起腦海陣陣漣漪 遺憾是傷悲 但亦可美麗 | | |
| | 03/10/2004 - [ 日 ] | | | | 今日俾個 pi o既問題搞左我勁耐...... 而家仲未完全搞掂佢, shit! 今晚一定會戰勝你! o係 netvigator 度換左張零食物語o既 cuopon, 今個禮拜有免費糖食~ 正! 好耐未試過放縱咁食糖啦~ 哈哈~ 學校 e-mail 度收到封 CIT (caltech) o既 invitation letter, 話可以 apply 去果邊 exchange~ 勁正! 睇完封野都有D心動, CIT 喎...... 但係再睇下自己D英文水平...... 唉...... 突然發覺英文呢下野都真係幾影響我將來發展...... 雖然 feel 到自己D英文已經有DD進步, 但係幾時我D英文先可以去到一個有能力去外國讀書o既水平呢...... 真係好想親身去見下美國大學高等教育去到一個咩水平...... | | |
| | 02/10/2004 - [ 六 ] | | | | 朝早天氣開始有D涼啦! 好o岩瞓o既天氣~ 天氣咁好, 心情都靚D~ 所以仲有心機溫書~ thermodynamics D concept 唔太難明, 所以D數都唔太難~ 今晚做多幾題數就差唔多KO呢個 chapter 啦! 聽日去宜家傢私睇下有無D燈可以用黎俾我起個 table top 神壇用, 應該3枝燈就可以做到唔會有影掛~ 仲要買塊大白色布做 background. | | |
| | 01/10/2004 - [ 五 ] | | | | 尋晚原本想o係個xp上面裝個98玩下, 點知竟然錯手 format 左個D drive......!!!!!! 我D raw相就咁毀於一旦...... 超級, 極度, 勁無奈呀!!! 無晒我呢兩個月影D相, 成千張呀! 前幾晚D火龍當然無一幸免...... FUCK! 不幸中o既大幸就係梁偉個 HD 都仲有D backup, 如果連旅行D相都死埋就真係...... 今晚國慶煙花無去到影, 好彩~ 因為勁大煙霧, 乜都睇唔到~ 係時候將我個相簿進一步改革啦~ 第一步當然係"尋找回憶"果part啦! 係時候加番D文字介紹啦~ 已經借左D灣仔o既史書, 下一步就係去發掘下D地道故事啦~ 幾大工程喲! 不過o既我個相簿已經有咁上下人流, 而家已經有十幾個留言啦, 咁當然要將我最想講o既野 show 俾人睇啦! | | |
|
