Sunday 01st February 2004 01:30:23 AM
|  |  27/02/2004 - [ 五 ] | | | | 生活又回歸平靜, 其實唔係好平靜, 因為下個星期就開波考 mock~ 呢段時期係衝刺o既時間啦~ 今日番左學校溫書, 好似 reapeat form 5 果年咁, 貪佢近水樓台, 有野唔識都可以問下阿SIR~ 放學見到豬精, 佢 quit 左啦~ 俾我估中...... 讀書都唔係咁o岩佢, 佢都係適合做野多D...... 性格影響命運...... 係真...... 晒左好多 last day 影o既相, 睇番D相, 好開心~ | | |
|  | 25/02/2004 - [ 三 ] | | | | 中七O既最後一日, 最後一日中學生涯o既番學日...... 最後一日都仲係唔記得簽體溫紀錄, 仲係要o係番學途簽......今日都算幾齊人, 係差盧德榮無番, 佢都係提早 last day 架啦~ 第一堂 Mr Mok 就叫人寫對佢o既感受...... 寫左都幾多野俾佢, 始終我地都幾有緣, 第一年 form 5 佢做班主任, 番黎讀 form 6,7 又係佢~ 多謝佢咁啦, 由一個 chem 超廢o既人教到而家都似D樣~ 跟住中文堂就同范小玲吹下水, 又同D同學仔影下相咁啦~ 俾佢睇左我個7B相簿, 佢見到阿so舊震蛋仲問係乜來...... 其實我覺得佢其實心裡有數, 知道我地玩咩, 不過就扮唔知, 搞下笑咁~ 到左bio堂, 簡sir都見怪不怪啦, 呢幾日D bio 堂唔係上網就係影相~ D人到左 stat. 堂都仲上網打緊機...... 我就落左去同關sir傾下計, 講下影相心得~ 佢話佢以前係勁迷影相, 可以o係黑房入面不眠不休咁玩~ 真係估唔到...... 因為我一路都覺得關sir係果D好清醒o既人~ 佢仲話考完試帶我地入去鄧鏡波o既黑房, 晒一次相俾我地睇~~~ 正呀!!! 跟住 lunch 本身叫佢一齊去食飯, 不過佢話 lunch 有堂所以去唔到啦, 不過佢話下次一定去~ 好呀, 一言為定呀, 到謝師宴一定要關sir去~~~ lunch o係波士頓餐廳食飯, Mr Mok 同范小玲都有黎~ 第一次學界排球嬴波, 黃sir都係請我地o係呢度食野~ Mr Mok 同范小玲都請過我地食野, 終於有機會請番佢地食啦! 食完飯番到去又係中文堂, 范小玲叫我地唔好打機, 不如圍埋一齊傾下計~ 佢話好想聽我地真情流露, 好想見到我地喊...... 不過野就講完, 到最後都無人喊~ 我仲俾 trunks 唱...... 哈, 不過無所謂啦, 又唔係D乜野唔見得光o既野, 咪當係俾D同學仔"了解"下囉, XDDD~ 放學果時又影左陣相, 黃嘉明都走左上埋黎~ 咁就完左我o既 last day...... 七年啦, 其實對我黎講係八年, 雖然走左一年去蘇淅 repeat form 5, 果邊D人都好 nice, 而呢邊仲有好多令我不滿o既野, 好似個球場, 政策, 同埋 father...... 不過一切都敵唔過我同D同學仔, miss & 阿sir, 我始終都可以大聲咁講一句, 我係波記仔!!! 今日以後可以做o既就係好好咁考好 a-level, 他日有機會就報答啦~ | | |
| | 25/02/2004 - [ 三 ] | | | | | | |
| | 24/02/2004 - [ 二 ] | | | | 今日上左最後一堂o既 PE 堂, 樹喜都一齊踢波~ 好玩~ 我都有入波~ 埋齋lu...... | | |
| | 23/02/2004 - [ 一 ] | | | | 今日得果十幾個人番學...... 除左英文堂要做 section e, 其他堂都係自己做自己o既野啦~ | | |
| | 22/02/2004 - [ 日 ] | | | | 終於搞掂課 transport in angiosperm 啦!! 勁悶o既課文, 記埋D奇奇怪怪o既名, 死...... 不過都俾我搞掂左佢啦! 可以進軍 nerve co-ordination 啦! 要快D先得啦, 希望可以o係 mock 之前溫到 hormonal co-ordination 啦~~~ 呵~ 第一卷黑白菲林晒左出黎啦~ 唔錯喎! 係有幾張 out 左 focus, 其他o既曝光都唔太差, 我諗用多D就可以做到估距對焦啦, 到時 snapshot 就可以手到擒來啦~ 哈~
| | |
| | 21/02/2004 - [ 六 ] | | | | 呢排D日記都係斷斷續續咁...... 無計啦, 真係無乜時間即日寫, 唯有得閒就補D咁啦~ 今日少有咁o係星期六9點鐘起身, 因為要去中央圖書館買二手書! 上年第一次去已經買左五六本, 今年當然要買番夠本啦~ 9.30去到圖書館已經排尾, 不過仲入到第一輪~ 入到去勁逼人, 揀左好多書, 多數係小說, 搵到本舒特拉的名單(下),不過就唔見上...... 吹脹...... 不過都仲俾我搵到一本知廣同一本鍾偉民, 唔錯啦~ 夾埋買左13本, 每本5鷄, 都係$65, 正! 有排睇囉~ | | |
| | 18/02/2004 - [ 三 ] | | | | 今日個人短講 mock, 突然諗到用故事形式去講, ok咁啦~ oral 呢D野真係無得預備, 就算 a-level 都係咁啦~ 今日放學見到班 C grade 練波, 覺得有D感慨~ 打左波8年, 都係 form 1 就俾黃sir拉左去打波, 果時同班o靚仔一樣, 傻傻下~ 到而家 form 7...... 好似見到以前o既自己咁...... 唔知當呢班靚仔到 form 7 o既時候, 我果時又會係點呢? this is life...... 又買左一部菲林機, 一舊水, 不過今次唔係 lomo feel 啦~ Yashica minister III, 係疊影機~ 45mm 鏡頭, f2.8~ 可以練下D真功夫啦~ | | |
| | 16/02/2004 - [ 一 ] | | | | 從生活學evolution:
1)香港o係一個商業社會
2)有利擁有好presentation手段o既人, 即使無創意, 交行貨, 只要外表好睇即可
3)女人有好presentation o既技巧
4)by netural selection, 女人o係香港有較好o既生存能力, 女人 is more competitive
5)男人無好o既presentation技巧,
6)by netural selection, 男人o係香港生存能力較差, 男人 is less competitive
7)男人唔夠爭, 死晒
8)香港淨低女人
9)香港女人變晒老姑婆
10)交行貨丫拿, 底死, XD XD XD 原來3mega像素晒8R都幾好, 總之早D晒, 拎去玩比賽...... | | |
| | 14/02/2004 - [ 六 ] | | | | 呢兩日有好多野唔係好睇得開, 好多討厭o既野...... 尤其D XX chromosome! 好可惡! 唉~ 不過世界上有太多野係不能忍受啦, 瞓一覺雖然可以無咁嬲, 將事情溝淡, 不過D討厭o既野並無消失到...... 總有一日要將D規限......!!! | | |
| | 12/02/2004 - [ 四 ] | | | | 影相有時真係好睇運, 有時見到D靚野但係無相機o係手真係會好唔底...... 搵到另一首溫書時候o既主題曲~ At 17 o既"Lost in L.A.", 幾好幾好~ 雖然明知 Bio 唔係好夠時間溫, 但係大概都上左軌道啦~ | | |
| | 11/02/2004 - [ 三 ] | | | | 今日派番上年中大 body check 個 results, 結果係...... 死唔去...... 係血壓同肝 protein 高D, 但係佢淨 highlight 左個數, 又無話高幾多...... 不過算啦, 血糖無事就ok啦~ 拎左兩張相去參加個環保攝影比賽, 都係求其啦, 無刻意去表達D乜~ 中文堂作新詩~ 話要感謝校工, 一堂要寫完...... 講真, 一堂出到D咩好野呀? 普通貨仔~ 但係新詩應該係要咬文嚼字, 如果用字唔精, 咁同D人o係公厠門上面寫果D野有乜分別...... | | |
|  | 09/02/2004 - [ 一 ] | | | | 一日最輕鬆o既時候始終都係練琴同沖涼o既時候...... 考試越近, 就越需要呢D時間relax一下...... 今晚...... 又要通頂...... | | |
|  | 08/02/2004 - [ 日 ] | | | | 第一卷120已經晒好~ 搵到一間一個鐘就搞掂o既鋪頭, 好呀~ 即刻晒, 拎番黎, 點知係無影行動...... 乜都無...... 唔知點解...... 我估可能係捲片果陣曝左光...... 第一次...... 都預左唔荒好, 算啦~ 今日已經開始影卷135~ 希望唔會有問題啦~ 呢排日日睇新聞都見到好多死雞...... 覺得佢地好可憐...... 俾人食左都算啦, 仲要毫無理由就俾人殺死...... 不過子非雞, 焉知雞之苦? 話唔定咁樣死法比起比人拎去煎炒煮炸會死得痛苦...... 搵到D acoustic o既音樂, 幾好聽, 一枝結它, 少少配樂, 唔太噪, 聽得舒服, 幾好~~ 聽日開始要影下學校D環境, 好快就無得影lu~ | | |
| | 07/02/2004 - [ 六 ] | | | | 今日去完圖書館番屋企果時無啦啦落雨, 仲要幾大下, 跑番屋企都已經濕晒, 不過唔知點解唔係好凍, 個 feel 幾好, 好似開住冷氣沖涼咁, 好耐無試過咁爽啦! fotomax晒一卷120菲林要一個星期...... 搞錯...... 好想試下聽多D英文歌, 從邊個歌手開始好呢? | | |
|  | 06/02/2004 - [ 五 ] | | | | 今曰Mr Mok無番, 最後果堂關sir代堂, 佢講在好多好有趣o既野, 發覺佢對哲學當然包括科學各方面都好有認識, 我諗如果我 f.1 係佢教 maths, 我應該我Dmaths會似樣D...... 終於影完我人生第一卷120菲林, 快D拎去晒, 睇下影成乜野衰樣~ 影菲林個感覺真係同 digital 好唔同! 幾得意~ HKU send 左封唔知咩信黎, 話會開一個"reception/interview session"...... 咁即係吹水talk定interview呀??? 迷惑...... 呢排因為要整 postcard 所以都睇左唔少新詩, 而家先知鍾偉民係由寫詩出道, 仲要令80's同90's o既香港文譠搞出個"鍾偉民現象", 睇書知道左第一次係勁讚, 第二次係勁彈, 好想知道第二次o既來龍去脈, 邊D書會講到呢? | | |
| | 05/02/2004 - [ 四 ] | | | | 期待左好耐o既 Marc-Andre Hamelin concert, 有兩首 concerto 啊; Rhapsody on a Theme of Paganini 同 Rachmaninov piano concerto no. 3~ 表現, ok 啦~ 佢係果種完美o既演奏, 粒粒音都好清楚~ 我諗佢彈貝多芬會好好~ 但係 Paganini 同 Rachmaninov 我比較鍾意D有性格果D多D~ 但係兩首o既 adagio 都好好, 可能法國人真係浪漫D啦~ 仲有一首未聽過o既 encore, 係佢 arrangement o既, 個 melody 好正~ 要搵下先得~ 仲有五十幾日, mock 就得番半個月多DD...... 而家最驚 bio...... 乜我真係似 At 17 個 Ellen 咩??? 係個頭有DD似 je ...... | | |
| | 03/02/2004 - [ 二 ] | | | | 今日真係轉涼, 仲要係好凍果隻, 得果9度. 洗唔洗咁凍呀....... 二月啦...... | | |
|  | 02/02/2004 - [ 一 ] | | | | 鮑思高日, 去教堂, 最後一次啦...... 今年仲有為F.5同F.7o既祝福, 神父摸頭果一刻有D特別o既感覺...... 難以言喻...... 終於知道部 Holga 點上菲林~ 但係個卷片器好易整到~ 會無啦啦過左一D位...... | | |
|  | 01/02/2004 - [ 日 ] | | | | 今日D天氣幾好喲~ 最鍾意呢種大約20度o既天氣, 唔太凍唔太熱~ 不過好似過兩日又再凍番lu~ 春天D天氣都係咁架啦~ 反反覆覆, 最易病~ 影左D蘭花, 原來一棵靚o既蘭花係可以好值錢, 成億都有...... | | |
|
