« March 2024 »
MoTuWeThFrSaSu
 123
45678910
11121314151617
18192021222324
25262728293031
Monday 01st December 2003 01:28:49 AM

31/12/2003 - [ 三 ]

大除夕, 都係咁過啦, 一定唔出夜街架啦, 鬼死咁多人...... 係落樓下打左陣波~ 打打下突然有個細路o係隔離個公園仔大大聲咁問"老豆~咩叫仆街呀?"真係...... 笑爆嘴! 最衰聽唔到個老豆點答佢, 唔係一定仲好笑~ 而家D細路真係大膽......

 

好想去寶馬山影magic~ 睇到D相好靚呀~ 雖然無 wide 鏡, 但係都想影下睇下~



30/12/2003 - [ 二 ]
梅艷芳死左. 生命周期循環, 順其自然罷!


29/12/2003 - [ 一 ]

開始習慣番o係屋企溫書啦~ 幾好~ 今日媽子仲俾多眼格枱頭燈我, 睇書舒服好多呀~ 呢幾日對眼真係勞碌囉~

 

睇左幾個大師級o既相簿之後又有番D feel 去影相~ 雖則有構圖係會靚好多, 但係有時候又唔洗太刻意, 輕鬆D, 覺得靚就影, 覺得要紀錄o既就影, 影得開心咪得囉~

 

今日o係維園見到隻爆靚o既貓貓呀! 毛色同對眼都好靚呀! 我都唔忍心落 flash 閃佢呀~ 太可愛啦~



27/12/2003 - [ 六 ]

唉...... 好似有D迷失方向...... 睇緊本"National Geographic - Photography Field Guide, Secrets to making great pictures", 發覺自己技術未夠之餘, 最大問題係無 style...... 我覺得我要搵一個生活題材, 用唔同角度係咁影, 可能一個題材已經夠我影一世...... 我要有我o既 style...... 公厠? 乞兒? 街市? 細路? 仲有D乜??????

 

呢兩日D天氣好飄忽, 時凍時暖...... 如果日日都係廿二度就最好啦~



26/12/2003 - [ 五 ]

冬天竟然俾我o係維園見到幾隻細貓仔喲~ 勁得意~ 不過又係好細膽~ 三隻花, 一隻黃白~ 好想帶佢地番屋企喲~

 

今日去左商務打左陣書釘, 見到"別鬧了, 費曼先生"出左新版~ 本書出左咁多年仲有咁多人買, 仲可以出新版, 真係勁~ 我仲未睇"這個不科學的年代"喲~ 遲早實買埋黎睇~



25/12/2003 - [ 四 ]

睇到一個故仔...... 好感動......

 

金縷鞋

 

離聖誕節只剩四天了,雖然量販店前塞滿了車子,我還是無法感染那分過節的喜氣。


店裡比停車場更亂,走道中擠滿購物人與購物車,忙亂地在最後關頭搜購著。自問著:「我為什麼挑今天來呢?」我的雙腳快要和頭一樣痛了,手中握的名單上寫著一長列曾說:「不用為我買什麼。」的人,然而我知道,如果真的不送禮物,他們是會傷心的。要為這些,老實說,已擁有一切必須品的人購買已被店家哄抬漲價的禮品,使我深感頭大。我急忙地將購物車堆滿絕望中胡亂挑的禮物。


來到結帳的櫃台,挑得是排的最短的一線人龍,心裡盤算著:「大概得排20分鐘的隊吧!」排在我前面的是兩個孩子,男孩大概五歲,女孩比他還小一些。男孩穿了一件破爛的外套,過短的牛仔褲之下伸出一雙顯然太大的球鞋,髒兮兮的小手中握著些皺巴巴的鈔票。女孩穿著差不多一樣爛的衣著滿頭上頂著糾結髒亂的捲髮,小臉上還留著晚餐的遺跡。她手中抱著一雙漂亮的金縷拖鞋。小女孩用荒腔走板的稚音,開心地跟著店中所放的聖誕音樂哼著。

終於,輪到我們結帳了。


 

小女孩小心翼翼地把金縷鞋供上櫃台。店員看了看收銀機:「一共六元零九分。」


 

男孩在櫃台上攤開皺皺的鈔票,再伸手把口袋中的零錢全掏了出來........他只有三元一毛二。


 

他勇敢的說:「我們買不起....也許過幾天我們再來....」


 

女孩輕聲哭了起來:「可....可是耶穌會喜歡這雙鞋的....」


 

哥哥安慰著她說:「別哭!我們會再回來的....」


 

我快快的塞給了店員三塊錢,孩子們排了那麼久的隊,再說,這是聖誕季節......


 

突然,一雙小手抱住我,一個小小的聲音說:「阿姨,謝謝妳....」


 

我問:「妳為什麼說耶穌會喜歡這雙鞋呢?」


 

小男孩替她答道:「我們的媽咪生病,快要去天堂了,爹地說,她可能在聖誕節前回去和耶穌在一起。」


 

小女孩說:「主日學老師說,天堂的街道是用亮亮的黃金舖的。媽咪能穿和黃金街相配的黃金鞋一定很漂亮,對不對?」


 

眼淚悄悄溢滿我的眼框,我看著她淚水縱橫的小臉,說:「是的,我相信她會是最美麗的....」我暗暗感謝神,用這對孩子提醒我聖誕季節的真義。

別忘了,施比受更有福....



24/12/2003 - [ 三 ]

平安夜喲~ 值得高興o既日子喲~

 

夜晚食完飯同媽子出街行下~ 陪佢去左中環睇燈飾, 發覺呢邊望去尖沙咀D燈飾唔係咁靚, 都係維園果邊好~ 周街都有人佈佳音, 想玩埋一份~ 遲早有機會o既...... 影左D相, 開始識用閃光燈影人像~ 不過我部機個燈仔功能唔係太多, 影出黎都係生硬左D~ 跟住帶左媽子去總堂, 入到去無十分鐘佢就話要走...... 我仲諗住可以聽晒彌撒...... 算啦, 我相信總有一年o既聖誕我可以正正式式咁參加一次子夜彌撒...... 跟住媽子話未去過老蘭, 想去睇下, 入到去鬼死咁逼, 勁討厭, 唔知點解越黎越唔鍾意呢D咁多人o既地方, 有種抖唔到氣o既壓力, 好彩o係十二點前走得出去, 唔o係實逼死......

 

聖誕節o既教堂真係好正, 尤其係果種氣氛, 好難形容, 總之好正...... 好想......



23/12/2003 - [ 二 ]

求求其其咁就過左最後一年o既聖誕 party, 不過幾搞笑, 班會一毫子都唔洗出都有飲有食~ 不過玩D節目就白痴左D~

 

去左添馬艦勁影相, 一個 game 都無玩, 哈~ 勁運桔~~~ 但係影得好開心呀! 淨係個摩天輪都影左十幾張~ 亦因為我o係個摩天輪前面搞左好耐, 好多情侶叫我幫佢地影相, 無啦啦變左駐場攝影師...... 不過算啦, 見佢地笑得咁開心, 都鄧佢地開心~ 個木馬都好靚~ 今日第一次影爆左張128 cf, 太好玩啦~

 

 

呢個假期好 critical......



22/12/2003 - [ 一 ]
今日番學D人跟本無心機上堂, 除左 chem 之外, 其他堂都唔似上堂...... 好心佢放埋呢日啦~ 仲有聖誕假第一日又係禮拜五, 又一定無心機上堂......


21/12/2003 - [ 日 ]

今日又影左好多相啦~ 因為今日去文化中心聽野, 所以  o係果樹影左好多燈飾~ 開始掌握到少少技巧啦~ 原來影燈飾除左必要腳架之外, 光圈收細D, 大約F5以上, D燈就會 sharp D啦~ 遲D再影多D, 睇下點測光會更好~

 

今年聖樂團個 concert 好似無以前果D咁好~ 始終鍾意有兒童合唱團會好D, 童聲聖誕歌個感覺始終好D~

 

其實人係唔應該有階級之分o既, 呢個信念我一向都好堅持. 但係潛意識總係仲存在多少階級觀念, 有時覺得自己比人高, 更多時候覺得低人一等, 一路都提醒自己唔好有D咁o既感覺, 因為其實每個人都係一個腦, 一個口, 同一副身軀, 地位幾高, 成就幾多都一樣. 但係究竟人類係唔係一定要有階級之分? 階級分野令人有進步o既動力, 但係如果無左階級, 人係唔係就唔洗進步? 呢度好似有個矛盾...... 又再思考中......

 

點解呢幾人成日諗埋D奇奇怪怪o既野? 唔通聖誕節o既來臨會令人更容易發嚕囌?



20/12/2003 - [ 六 ]

得果10度~ 好鬼凍~

 

終於試左枝腳架啦! 正呀! 曝光3秒都完全無震, 影夜景真係好好用~ 聽日一定要勁影燈飾, 希望影到D聖誕氣氛啦~

 

呢幾日唔知點解成日諗起簡 sir 曾經講過o既一句佛家句子"每個人都係活o係自己o既幻覺之中", 呢句野真係好到. 睇見聽見仲有你o既感覺都係腦o既輸出, 全部都可以係唔存在o既野, 無論果樣野幾真實. 所以有時候我地對一樣野好著緊, 例如感情, 到最後可能一無所獲, 都係好正常o既事, 即使得到一D野, 但果D野都可能唔存在. 對一樣野執著, 究竟有無意義? 思考中......



19/12/2003 - [ 五 ]

班際籃球竟然輸左...... 有D估唔到. 6B外圍幾準, 射死左我地...... 唉, 唔可以籃球足球都包辦添~ 足球仲有一場波要踢, 一定要贏呀!

 

超人迪加演出成功! 不過拎唔到獎~ 算啦, 玩得開心已經好好啦~ 睇番條片真係笑爆~~~



18/12/2003 - [ 四 ]

今日終於唔洗咁攰啦...... 自修堂瞓左一覺, 救左我一命~

 

聽日要o係校園節拍唱歌仔~ 唱超人迪加~ D動作笑死人~ 如果唔洗唱, 一定勁影佢地D怪樣! 哈!

 

今日睇番尋日o既自己永遠都會覺得白痴~ 聽日睇番今日o既自己都係會覺得白痴~ 但係好正常呀, 不斷咁反省自己o既白痴可以令自己進步, 而且無人係完美, 所以一定有努力o既理由~



17/12/2003 - [ 三 ]

勁攰...... 太多野做啦...... 功課+lab report+唔明o既inorg chem...... 死左......

 

賣多次廣告~ 7B相簿~

http://www.fotop.net/nicolokhh/nicolokhh 



16/12/2003 - [ 二 ]

嘩! 今日有波仔入~ 開心喲! 求其一腳爆埋去, 個龍擋到不過都入~ 場波嬴4:2, 不過好似嬴得唔係好夠~ 下場要嬴多D先有機拎第一~ 但係下場好似難打D喎~ 唔理啦, 都係咁踢架啦~

 

近排好多濕碎野要搞, 但係又無記性唔記得...... 聽日記得出街去試下個 tripod 先~


D女人o既購物慾真係痴根架...... 是但出一次街可以無啦啦洗成千銀...... 好彩我無.....



15/12/2003 - [ 一 ]

我地o既班際足球終於失分啦...... 今日和左波...... 對手都係果D技術形, 不過其實輸果一球唔係咁抵~ 俾佢碌入左~ 算啦, 只要聽日同大後日大勝對手o既話, 都應該可以贏冠軍掛!

 

好野! 低價 bid 左 canon tripod, 有成5尺幾高, 又有水平尺, 仲好結實! 比得上果D幾舊水o既 tripod 呀! 可以影夜景影得好D啦!

 

十二月真係過得好快~ 過埋呢個星期又話放聖誕假啦! 距離AL仲有百零日就開波.......



14/12/2003 - [ 日 ]

近排睇番D舊左o既傑出華人系列, 有好多啟發~ 今日睇左新果一集講丘成桐, 好正! 的而且確, 真正偉大o既學者係要發掘問題, 而唔係去解決人地留低o既問題~

 

有D野係要不斷咁堅持! 無論週圍o既環境點打擊都要堅持落去, 點差o既情況都有過去o既時候, 過左最辛苦o既時間, 回頭望, 果份堅持會格外有意義, 而且幾辛苦都只係襯托出因為堅持而得黎o既成果~ 努力呀!



13/12/2003 - [ 六 ]

原來有PL鏡都有28mm...... 唔知 marco filter 有無28mm呢? 有o既話, 我影花仔虫仔都易D啦~

 

唔知點解冬天成日都好似好易肚餓咁...... 突然間諗起台灣D夜市~ 擔擔麵, 水餃, 蚵仔煎...... 好肚餓......

 

又 up 多左幾張相上去7B相簿度~ 阿輝果張幾得意~



12/12/2003 - [ 五 ]

辛苦o既 sports day...... 我o既體能已經負荷唔超400m呢D咁激o既運動啦...... 原本個 4x400m 有機會拎番個第3, 但係我竟然比人臨尾追番...... 真係太渣啦, 對唔住D同學仔o既努力...... 但係我已經盡啦, 跑完仲要回唔到氣...... 最後一年 sports day 就咁收工 lu~

 

睇左無間道3! 不過睇到一頭霧水~ 個劇情本身應該無問題, 不過去得好快, 而且有兩條主線跳黎跳去, 真係要遲D出番 vcd 果陣再睇多幾次先明~ 但係個劇情咁搞, 我地個無鏡道2就好難拍啦......



11/12/2003 - [ 四 ]

原來影燈飾係好難架...... 紀錄形式都ok, 但係要影得有 feel 就真係唔易~ 好難搵個靚o既角度之餘, 曝光都好難準...... 真係要多多參詳下D高手點影先得啦~ 無理由見到咁多咁靚o既燈飾都唔 capture 唔到架~

 

聽日 sports day final, 但係天氣報告話會得番15度...... 死啦, 仲要跑 4x400m, 原本已經無乜態, 仲要凍到咁, 慢溜都似......

 

搵到個好地方溫書~ 開心喲!

 

終於開左個 7B o既相簿仔~ 以 lomo feel 為主啦~ 已經 upload 左幾張, 遲D再 up 多幾張上去~ 睇到o既人, 唔該揚俾其他 7B 人知~

http://www.fotop.net/nicolokhh/nicolokhh



10/12/2003 - [ 三 ]

今日 sports day, 都係輕鬆咁玩下野啦~ 跳高仲 keep 到, 156cm, 比上年高左 1cm 呀~ 拎左個銅牌, 最正就係有個 F.5 跳到 160cm, 咁我就可以賴D唔洗玩學界啦~

 

嘩嘩!! 超人迪加竟然入圍!! 哈哈哈~~~ 決賽要將歌詞同舞步改得搞笑D啦~



09/12/2003 - [ 二 ]

哈哈! 今日竟然走左上台, o係校園節拍同成班人一齊唱超人迪加! 純粹玩下~ 最後一年麻~ 不過又幾好玩喎, 有大周彈結他, 仲有好多伴舞~~ 笑爆嘴呀!

 

聽日 sports day, 都係玩下D田賽啦~ 跑就唔好啦~ 會試下玩推鉛球~ ccc 後日就要跑4x400m...... 未跑就 feel 到唔夠力啦...... 聽日睇下有無時間, 好想去影下相~

 

睇左唔少高手o既 gallary, 大部分最令人印象深刻o既 gallary 都係有佢自己o既一個特別 series, 有佢地自己一個 style~ 唔...... 我諗我要影番一個有我自己 style o既 series 啦~ 但係用乜題材好呢? 舊香港? 學校? 要諗諗啦......



08/12/2003 - [ 一 ]

今日番去聽到唔少有關無鏡道o既意見~ D miss 阿sir 好似幾欣賞我地o既努力, 而且個反應比想像中好喲~~ Mr Mok 仲送出蛋糕一個做回禮~ 有多先生都話要vcd, 哈~ 我都想要呀~ 仲要多個完全無 edit 版本呀! 話唔定有機會拍績集~ 如果係拍o既話, 今次一定要拍得嚴謹D, 劇本同鏡頭都要諗清楚先去~

 

死啦...... 做乜周身痛架..... 今日仲要飲左罐可樂...... 死期到啦......



07/12/2003 - [ 日 ]

今日玩埋個演講就真正咁忙完近排要忙o既野啦~ 個演講當然係收皮啦~ 我尋晚先寫好個稿, 都未有時間 mental rehearsal...... 聽左幾個人講, D水平同上次即席演講無得比啦! 大部分比較好o既都背左稿, 而我邊有時間背呀...... 揸住張稿係咁講, 甩甩漏漏咁...... 一講完都知自己收皮~ 不過唔緊要啦~ 跟住聽D頭幾名講一次, 講真, 內容都係咁上下, 不過佢地夠淡定, 差唔多係朗誦咁...... 個評判講左演講o既精要係"文彩", "神彩", "情彩". 唔...... 要學下野啦~

 

係時候調整一下生活o既節奏啦......



06/12/2003 - [ 六 ]

聽日又要玩埋D無天理o既遊戲...... 篇文仲未 ready 好...... 又出去俾人恥笑...... 算啦~ 笑得多, 考中化 oral 就無咁驚啦!

 

周圍都越黎越多聖誕野~ 氣氛好似ok咁喎~ 不過今日天氣突然回暖, 希望聖誕果陣天氣會凍番D啦~ 好想去D商場度影下聖誕樹, 因為見到有D真係幾靚下~



05/12/2003 - [ 五 ]

好野!! 無鏡道成功上映!!! 今朝晨早番到去, 點知佢地仲o係屋企打緊字幕...... 但係就配好樂, 即係我已經無野可以幫手啦...... 唯有望佢地快快手將D字幕整好啦~ 佢地番到學校都未搞掂, 直至第一場 lower form o既典禮開始都仲未得...... 個典禮一路去, 我地一路趕, 到我地出啦, 總算有個 product 出黎啦, 不過呢場做得無咁靚, 算啦! 橫豎 Mr Mok 都唔  o係度~ 當係預演囉! 套片有一個鏡頭現場音無mute, 有兩個鏡頭無加番D喧嘩聲, 英文字幕得半場有, 其餘得中文, 同埋未加最後結局交待~ 呢D都係第一場o既缺漏. 不過整體黎講都好好~ 感覺幾流暢下~ 當第一場完左, 我地再搞搞, 有幾多做幾多. 到左第二場 upper form, 正式黎啦! 今次好好多啦~~ 盧浩鏘真係好入形入格, 簡 sir 見到都認得晒 Mr Mok D小動作~ 睇到D觀眾o既反應都 feel 到D笑位幾中下~ 套片播完, 都真係鬆一大口氣呀!! 咁多位呢一個星期o既努力無白費啦! 之後 送左枝筆俾Mr Mok 同關 sir~ Mr Mok 俾我地屈左上台講野, 佢都係行貨兩句啦~ 最可惜係唔記得叫簡 sir 都吹番一兩句! 算佢好彩~

 

套片一定要好好咁執下, 配樂, 配音, 字幕都搞下啦, 搞靚之後就燒俾全班一隻留念, 幾好喲~~~~

 

完成o既感覺真係好喲! 仲要係咁多人一齊完成! 難得~ 好好好開心, 好難忘~



04/12/2003 - [ 四 ]

差唔多啦...... 無鏡道o既工作已經接近完成階段啦~ 補左幾個鏡頭, 再配多次音(因為尋日果D唔掂), 今晚剪埋果幾個鏡頭落去, 夾好D字幕同小小 sound effect, 今晚要做o既工作就差唔多啦~ 有勞佢地今晚辛苦D啦! 不過聽朝早D起身, 番學再配靚D background music, 咁就出得街啦! 希望唔好有乜差錯啦! 只要有一個步驟有問題, 套劇就可能會...... 唔會o既~~~~

 

尋日班際足球, 今日班際籃球, 兩場波都唔算太高難度, 班際...... 同學界果種感覺真係差好遠......

 

死啦, 星期日要去講"傳媒的影響力"...... 篇文仲未改好...... 今晚雖然唔洗我搞無鏡道D野, 不過都係無得瞓...... 好眼瞓呀!

 

聽到一首爆好聽o既歌, 不過竟然無出碟!? 有無搞錯!

彭海桐o既 Surrender (It doesn't matter)"呀! 有無人有呢首歌呀?



03/12/2003 - [ 三 ]

嘩...... 呢兩日為左個劇都搞左好多野~ 比想像中多野搞, 日日都搞到五六點先放學~ 尋日拍左大部份片, 今日就正式拍晒所有鏡頭啦! 而且配音果度都配晒啦, 好彩配音果度比想像中快! 如果唔係就真係趕唔切!

今晚要...

1) 剪接,

2) mix 對白入片,

3) 打埋對白

聽日要...

1) 加番字幕落片

2) 配樂

3) 頭尾劇情

咁就可以完成晒啦!!! 應該趕得切啦! 尋晚仲驚可能爛尾, 而家應該唔洗啦!

 

好攰...... 不過都係一果禮拜je, 換番個開心回憶都唔錯呀!



01/12/2003 - [ 一 ]

今日佢地帶左電腦番學, 一路做剪接一路拍, 非常之好呀~ 而家只係淨番一個場景未拍, 聽日一定拍得晒, 如果可以聽日剪好, 咁仲可以配埋音呀! 正~ 今日再睇番D情節, 所以音樂果度都已經有D頭緒, 知道大約要點配, 一晚應該可以搞掂! 相信如期交貨應該無問題, 反而最驚剪片果度剪唔到個劇情咁緊湊, 因為我地分配到o既時間得7分鐘, 點都要同阿 sir 傾下啦, 我地拍得咁辛苦, 死都唔俾佢亂咁 cut 我地D劇情架啦!

 

尋晚難得認真咁溫左一陣中化, 覺得范小玲D notes 真係掂到爆! 分析左D我地十年都諗唔到o既 points, 真係勁~

 

知道咩叫荒謬~ 幾條死靚仔走去灣仔果間所謂鬼屋度玩, 驚餐飽之後就上左頭板~ 真係...... 白痴到爆!!!

Name
Security code
CAPTCHA Image Reload
Verify security code
Message