尋日第一次有猶豫...... 不過今日就已經克服左啦! 哈哈哈哈~~~ 無錯, 我最大o既情敵, 永遠係我自己..... 諗清楚D, 抽離D, 睇返我同小媚可以一齊, 完全係緣份, 如果開始係要緣份將兩個人拉埋一齊, 咁一齊之後可唔可以繼續, 就一定係要靠兩個人一齊努力~ 其實我同小媚都開始有D默契啦, 所以好多時可唔可以做到細心o既關心佢都係我主唔主動o既問題...... 唔理啦, 要努力D先得! 唔可以糟蹋左咁好o既一段緣份!
今日睇到新聞透視講到上年暑假去九寨溝一路上見到o既巨型建築原來係起緊新水壩, 會浸左條村...... 個節目仲話雲南果邊都會起水壩...... 唉...... 唔好啦...... 我仲未去呀....... 就算我去過, 我都想之後可以見到人地出D果度o既相, 等我覺得原來咁靚o既地方未消失......
下午去左 sales week 個 briefing, 好無聊, 有好多行政野要搞...... damn...... 用咁多人力就係做埋D所謂會提升效率o既野...... 呵...... 講真, 而家有D慶幸自己無做到p, 唔洗搞咁多低能野~
今日終於正正常常咁影返D風景相啦~ 銅鑼灣海旁起左條新天橋, 不過個 view 無以前果個咁好.....