今日雖然係星期六, 不過完全無得休息喲! 一朝早7點就起身去 field trip, 城門水塘, 係喲, 又係城門, 早排 outing 先黎完~ 一路都諗緊係唔係要行好耐先到個 study site, 因為行城門一般都要3個鐘先可以行完, 而且中途好似都無 grassland~ 今日先知原來有 pass 就可以搭車上到山...... 上到去環境唔錯, 天氣唔太熱又有D風~ 跟手就再之搞環境破壞啦, 又捉動物又掘地...... 好快過左3個鐘, 返到BU執手尾就走lu~
走左之後仲未可以返屋企, 因為星期四果日無去HKU睇展覽, 今日就去睇啦~ 去到HKU都已經1430, 都未有野落肚...... 個展覽唔錯, 陳復禮前輩既黑白相技術已經無咩好挑剔, 意境亦係一流~ 而且因為有手沖同 digital printout 既比較, 所以其實呢個展覽都幾好講~ 做為我既功課主題實在唔錯, 1500字不太難啦~ 睇完展覽是但食左個M記就歸家啦~
返到屋企即刻勁瞓...... 實在太攰啦...... 由1600瞓到1830食飯, 食完飯又出動, 因為夜晚要去睇個 drama, 叫彌敦兩岸, 係周淑萍既改編話劇~ 我幾鍾意周淑萍以前D小說架, 不過而家果D就唔太好~ 個話劇響牛池灣文娛中心做...... 遠啦...... 因為好攰, 其實有D驚如果套劇唔太好睇會瞓著, 不過好彩, 套野幾好睇喎, 主要係D演員做得好, 好有感情, 同埋幾個細路都做得好好~~~ 而個背景燈光同音樂就無咩特別~ 不過唔知點解有D假如愛有天意feel, 可能佢又用左 pachelbel canon 掛~ overall 都係 good 既~~~ ^_^