過左死亡既上個星期之後, 呢兩日都比較輕鬆~ 尋日去左聽容祖兒 concert~ 如果唔係 cthm 呢科比$$, 原本係應該唔會去既, 而家既然唔洗$$, 去 enjoy 下都幾好~ 尋日果場原來係第一場, 好多明星去到, 所以遲左開始...... 個台比想像中靚好多! 可惜無帶相機~ 成場 concert 個視覺效果都唔錯~ 基本上我係完全集中左o係D燈光同配樂~ 因為當容祖兒唱完第一首之後, 唔知點解個音響問題定點, 好似只係聽住容祖兒唱K咁...... 而且明顯聽得出果3個和音 mix 埋把聲其實就係容祖兒把聲, 而且音準仲好D...... 不過無所謂啦~ D舞幾好睇, 因為加左D燈光同煙花~ 如果只係以肢體感覺黎講, 我地學校既 BUDA 好似仲好~ 搞到我想下星期一影個 joint u mass dance 添~ 個 concert 氣氛唔算好熱烈, 人係好多, 不過硬係無萬人空巷果種 feel, D人基本上全部都係睇 show, 只係有成萬人好似喪屍咁fing瑩光棒, 講真, 如果個氣氛好, 就算我唔係粉絲我都一齊叫~ 都係香港人習慣吧~
睇完個 concert, 我更加肯定 concert 入面其中一個有份表演既明星係住我地大廈...... 不過唔講邊個啦......
執左幾張相, 幾有 feel, 不過想成 set 咁放入相簿, 而家先出張~
