今朝一早就做左 cthm2100 既指定動作, 就係去電影資料館~ 套片<窗>比想像中好睇好多, 睇到我眼濕濕...... 套戲係謝賢同蕭芳芳主演, 一路睇就一路覺得佢係香港版既...... 又係講個主角殺左人之後好後悔, 不過<窗>講多D感情野, 而就好仔細咁描寫主角後悔既過程, 各有各好啦~ 不過以前D戲既對白有時真係幾無理頭, 其中一句真係抵死:
個場景係蕭芳芳just畀謝賢個 friend 強暴完, 謝賢見到蕭芳芳衣衫不整......(remark: 蕭芳芳係盲的)
謝賢: 係邊個搞成你咁!?
蕭芳芳: 係你個朋友......嗚嗚......
謝賢: 係唔係男人? <------(吹脹......)
不過整體黎講, 睇呢類舊片, 都係一個認識舊香港既一大渠道~ 有收獲~ 而且已經同我既 groupmate 約好傾 present, 我地果組人馬好強, 2個 visual art人, 1個 human人, 佢地好似對個 present 好認真喲~ 因為有2個同學提出用彭浩翔既<買兇拍人>, 佢地話呢套戲反映緊而家電影業情況, 最後我地都一致同意用呢套戲~ 好快喲, 呢D先叫有效率ma~ 點似D所謂既話事人呀~