Sunday 12th August 2012 11:03:00 PM
今日同阿媽落樓下打乒乓波, 已經唔記得對上一次同阿媽兩個人去玩係幾時...可能係小學佢帶我去北角碼頭釣魚... 著對拖鞋好hae咁落去平台, 好放鬆咁打下滴滴仔, 同時又閒話家常下. 或者對D家庭好健全好和諧既人黎講好普通, 不過對我地黎講真係好難得... 好記得小學果陣有一次, 美術堂老師叫我地返去畫幅全家人一齊運動既畫 (唔知因咩事而要畫D咁既野), 由細到大我同媽咪同家姐都叫有去玩下, 不過真係 僅僅係玩,即係去下公園果D, 又唔知點解無正式運動果D, 老豆因為要看舖更加無一齊玩過, 所以當老師要我畫幅咁既主題既畫既時候, 我真係唔識畫, 因為連個畫面係點都無, 仲好記得果陣我搞左好耐都畫唔出, 阿媽問我做咩搞到夜媽媽都未畫, 佢問我要畫咩, 我無答佢, 跟住就喊左出黎, 我下我真係覺得好委屈... 到而家大個左, 諗返已經無咩感覺, 不過總覺得好似生命有部分留白左, 有D野miss左... 不過呢幾年它老豆退休, 家姐結婚, 感覺開始慢慢轉變緊, 好似會一齊出去食下飯果D咁... 或者遲D有一日真係可以一齊去運動, 填補呢個留白左既地方 |