牛年開市~ 希望今年會繼續順順利利~ 最緊要係有突破~ 時間無多, 要牛咁努力~ 豬咁聰明~ 兔咁活潑~ 鼠咁精靈~
過年幾日兩隻肥野黎左我屋企過年~ 雖然佢地無年羔食, 不過都叫做好食好住~ 成日都有新鮮菜食~ 你睇妹妹 fing 頭開P幾高興~ 又成日走黎走去~ 我家姐幾日已經成為抱兔高手, 成功制服 jacky, 勁!
呢隻鼠係咪好 cute 呢~ 佢唔係一隻普通既實驗老鼠, 係一隻勁大命勁好運既鼠鼠~ 話說年廿八果日執野返屋企準備迎接兩隻肥兔~ 有個不知名既UG拎住個裝住呢隻鼠既 ziploc 走埋黎問我點處理D唔要既鼠, 原本諗住拎個屍袋袋起佢掉入雪櫃, 點知搵唔到~ 跟住諗住 lock 佢頸是但掉左佢, 又無人幫手(我當然唔識)~ 最後掉佢入落食人魚度餵魚, 點知連D食人魚都完全唔睬佢, 佢o係水面游游下咁...... 終於, 既然佢大命成咁, 我都要出手拯救佢~ 就拎佢返自己lab啦~ 佢震震下可能好耐無食野啦...... 又凍...... 咁妹豬就開左d原本 for western 既奶, 餵左20ul~ 就係咁, 呢20ul就救左佢啦!!! 之後決定收養佢啦~ 佢咁細隻又好易打理je~ 而家佢好開心咁o係我地枱頭生活啦~
補貼啦~ 一月做既紀錄~ over 100 個 run western 既 sample~~~ 自己都要話自己勁!!!
