聽日終於可以休息下啦~ 做左5曰工, 跟左4 tours, 收入有千幾~ 算係咁啦~ 呢份工真係太 hae 啦~ 雖然個名好似幾 pro, 全職攝影師...... 不過其實就係導遊同司機助手...... 頭幾日唔知頭唔知路真係幾煩, 成日都要受D導遊面色, shit! 而且唔知點解4個 tours, 2男2女導遊, 兩個女導遊都態度都好差, 反而兩個男導遊都幾好人~ 完全估唔到...... 仲以為韓國大男人主義, 男人都鍾意黑口黑面, 但係實際情況竟然倒轉...... 不過唔理啦, 只要識得當導遊講既野係發up風咁就做得開心D架啦~ 而且今日搵到個打發o係車上面果D hae 時間既方法啦~ 就係帶定以前影印落既 scientific american 同 new scientist 果堆 article, 一日基本上都可以睇完一篇4版既 article~ 呵~ D時間即刻好過好多, 唔洗不停係咁?~ 呢個月既目標係可以搵到$5000人工, 咁就可以回本之餘, 仲可以有錢買電話同草少少錢~
聽日放假想整"果樣野"畀小媚~ 呵~ 上次無意中o係 newsgroup 睇到"果樣野"既整法, 原來唔太難, 但係出黎個成果幾正, 值得一試~ 而且呢排小媚考試, 整D野dum佢開心都好~~~
銀包而家幣值好高...... 成十幾萬...... 不過都係得果2-3舊水......=.=
