今日一返到 lab, prof mak 就 assign 左好高難度既功課畀我, 就係要去教一個 chem 既 PhD 學生做 cell culture 同 MTT...... 話說個 chem 既 PhD 叫風雷(個名好勁......), 係內地交流生, 佢做緊個 PDT 既 photosensitizer synthesis, 咁佢想知個 photosensitizer 既 cytotoxicity, 咁最簡單當然係做 MTT 啦~ 不過因為佢係讀 chem, 所以雖然係PhD, 不過就唔係好知 cell culture 既野, 所以 prof mak 就叫我去教下佢D基本野...... 噢....... 要我教人喎~ 絕對比死更難受啦, 需知我唔去幫人補習都係因為知道自己完全唔識教人呀! 完全唔明點解 prof mak 要我教......教其他 undergrad 都好D, 要我教個識野比我多好多既人喎...... 不過既然老細叫到, 咁我都無理由唔教...... 另一個最大問題係佢係內地交流生, 要說煲東瓜, 我D煲東瓜就真係煲東瓜囉...... 好在佢都ok識聽廣東話.......就係咁, 我用左比平時 double 既時間去做 subculture 同 seed cell...... 希望佢大概知道我做緊咩啦, 話晒都係 PhD 學生, 領悟力應該比我仲好....... 聽日我要落藥, 都唔知叫唔叫佢落黎睇好...... 因為我仲要加 inhibitor, 勁煩, 再加多個人o係我隔離真係驚做錯...... 呢次個 result 我都好期待架, 唔想做錯呀.......!!! 我想專心做野呀!!!
因為今日用多左時間做野, 原本諗住今日書展去執平野, 點知無時間...... 可能我同今次書展無緣啦~ 算啦, 下年再去囉~
阿媽聽日去澳洲搵家姐玩, 一去就十幾日, 真高興~
等左好耐既一場雨終於到~ 希望落多幾日啦~ 太熱啦......
星期日去左 kubrick 搵"花與愛麗詩"既 ost, 點知竟然無!!!??? kubrick 都無, 仲有邊樹會有!? 嗚....... 慘.......