|
|||||||||||||||||||||||||||||||||||||||||||||||||||||||||||||||||||||||||||||||||||||
Day 4: 神龍谷、苗寨、鳳凰古城 今日好似又凍左少少 >.< 不過都要早起,因為我們參加了Local團,九點鐘出發。 跟團其實都幾開心架,點解?? 因為我們有個青春活潑的靚女導遊囉……呵呵^^ 同團仲有一對國內同胞小情侶,大家都係後生仔女….yeah 神龍谷,離鳳凰古城不太遠;我們先坐車,半小時車程左右,去到一個水庫, 之後再轉船,在船上吹了半粒鐘冰寒海風,就黎到一個峽谷口, 峽谷下有長長的浮橋相接,我們沿浮橋步行前進,深入峽谷, 峽谷盡頭是一道高崖絕壁,彷彿前無去路,但原來崖壁中間有條天然裂縫, 山路就沿裂縫伸延到山上,在山區上行走, 途中不斷穿過大小溪流、瀑布、田野、洞穴,上上落落, 大約個多小時步程,見到前面有煙又有屋,終於到達與外隔絕的神龍谷苗寨了。 跟得團玩,就一定有d形式化既節目,就係到苗寨的寒舍中作客。 首先是歡迎客人儀式,互相敬酒,之後要再唱返首歌先可以放行, 我們竟然對著一班苗族婆婆高歌一首廣東話版既生日歌,哈哈,頓時頭上一大堆問號!! 入到屋內,還有舞花鼓表演……..。 開飯喇!!!! 正宗既苗寨農村大鑊飯, 那些特色的菜飯,味道好之如,仲任食唔嬲……*.* 食完飯,有一小時既自由活動時間,可以在苗寨周圍行下,影下相, 最抵死有班可愛的村童,竟然同我們大玩兵捉賊,哈!!! 要回程了,我們沿另一條山路前往另一面的渡頭,沿途風景相當不錯!! 又是同樣地先坐船後搭車,下午四點就返到鳳凰古城了。 明天就要離開古城了,趁時間尚早,天色又比昨天好, 一於把握最後時機,繼續把鳳凰古城的風光一一拍下;行累了, 就去街邊檔坐低休息下,試下麻辣小吃,成個人立即super-warm@@ 晚上,走到沱江邊,試下放河燈,十蚊雞就可以買來一大堆。 先燃點在河燈中的蠟燭,再許個願,之後一隻一隻地將河燈放進江上, 讓它們隨水漂流,場面都幾靚架…….. 不過眾多的河燈中,九成九唔係中途被人擊沉,就是自我燒毀……唉,無眼睇~~ 返到客棧,走出露台,面對江邊,坐低靜靜感受一下鳳凰古城的寧靜夜色, 享受左一陣,冷風斷斷的吹,越坐越刺骨,雖然已駛出抗寒絕招寒冰掌, 但到最後都係頂唔順,投降,返上床訓覺了!!!
|