2006年12月20日
一早去見個就客 , 去到門口先有緊張既感覺 , 睇個門面同裝修已知唔係細野 , 心諗 妖~ ~ 個 fd 又唔話我知喎 , 等我做好準備功夫嘛 , 呢d有番咁上吓規模既公司 , 通常唔會見幾丁友 , 而係一 team人 , 大鑊喇....... 之後個靚靚妹妹仔帶我去會議室坐住先 , 等佢地入黎 , 開門入黎喇 , 嘩.....唔洗呀 , 真係成棚人呀 , 大碌喇我同個fd打左一吓眼識 , 唔知佢知唔知我好緊張呢 .
會議開始喇 , 一人一個問題我都有排答 , 點止一人一個問題吖 , 已經頃左三粒鍾開始攰添 , 之後帶我去睇Show Room , 咩有D印刷機大過我張床 , 仲貴到飛起 , 哦...原來唔係普通公司用到呢D機 , 真係大開眼界.
頭痕添 , 從來未報過呢種價 , 有排計有排玩 , 對我黎講係好 , 公司可以接一種全新型式 , 又有新挑戰 , 可能仲要去澳門做野 , 我鍾意 . 接到又要加人加地方 , 正呀 .
