世界上真係有d男人係衰到冇眼睇,好似以整喊女朋友為樂咁,佔有欲又特強, 俾著我真係頂唔順...
唔希望你再為佢唔開心落去...你喊生喊死都唔會改, 佢只係會日複日咁傷害你, 何苦呢?
你諗下, 淨係無理禁錮都已經係死罪啦...出下街都話你係帶罪之身, 搵工做又唔得, 返工又唔得, 佢唔食你都要食啦, 佢家境好唔愁冇錢用, 又唔係養你, 你唔搵野做仲邊有錢食飯, 唔通攤大手板問屋企拿?
你又唔係做d犯法同唔見得光ge工,淨係做文員之嘛, 做銀行, 有d人考極都考唔到入去啦...又學到野, 佢憑乜野限制你? 憑乜野要得佢批准?
想去旅行去幾日又唔准, 仲成日係網上唱你, 佢究竟當你係咩je? 囚犯定女朋友呀?
呷醋唔係問題, 但連女仔醋都呷, 仲命令你唔可以搵朋友, 佢想點? 咪就係想你同佢一齊日日夜夜困在屋企到天荒地老囉...
冇野做又唔搵工, 連履歷都要你幫佢寄, 冇工作經驗又嫌人地人工低, o岩o岩畢業又冇經驗有六,七千蚊仲想點呀? 想高人工咪入去賭場做囉! 話就話唔想寄, 實際根本連去見工ge膽都冇, 呢種男人咁軟弱, 點俾幸福你?
我覺得呢個男人根本就係神經質, 而且仲一直惡化緊tim, 冇錯, 佢係好鍾意你, 但呢種鍾意你唔覺得好恐怖咩? 而家就話唔准你出街同返工je, 將來呢? 會唔會因為你同其他人講多兩句就失控打你? 我相信會, 而家佢都會因為你去我家拿返d漏低左ge野而鬧你, 相信過多一兩年會演變為打你, probability 高達80% tim, 而且佢打完你之後仲會好有技巧咁扮可憐要你同情返佢轉頭, 事關你個人實在太心軟....
係時候醒醒啦! 就算做衰人勸人分手都好, 都想你唔好一直因為佢咁痛苦, 我知道你實唔想聽到人同你講叫你分手gala, 希望你可以睇到呢篇野, 認真想想我的建議, 認真諗下, 究竟同佢一齊係開心比唔開心多好多, 定係 唔開心比開心多好多...考慮下佢俾唔俾到幸福你...
"一時ge痛苦, 可換來一輩子ge解脫!" 更希望次次見到你你都有一對靚靚眼皮, 而唔係腫曬咁...
