有一位我很敬重的前輩，他對我說：亞冰，我好喜歡睇你的雀仔相，你可否幫我晒二三十張晒大佢比我在公司有空就拿來看看，令心情輕鬆D，愉快D，我答：當然可以啦！我再問你想晒多大呀？5R還是8R呀？他答：5R可以了，於是我即刻去揀相，揀下揀下，心想，係喎我都很久很久没有晒相了，不如順便晒多幾張自己喜歡的相留為紀念啦！揀下揀下終於揀咗105張，最後一張是稻城的風景相，因想將它晒大張（16x24) ，將自己廳裏的相換一換，跟住即刻找回以前幫我晒開相的那間晒相鋪去冲晒，老板說2日後可取相，2天後，懷看希望的心情去取相，點知....,點知.....實在太令我失望了，呢顏色完全2回事，祇有將全部的相往垃圾桶送去，眼淚在心裏流之際，不如再一次將要晒的相放上我的相簿，叫我這位長輩上網在電腦上看吧，順便分享給我的知音人。