Sunday 27th November 2005 11:32:54 PM 釣魚翁山行[ 2 messages] General 今日參加由僱員協會辦o既釣魚翁山行,我地中心本來佔左一半,但有o的同事放飛機,算啦!(後生女仔係貪靚o的,驚又哂又辛苦! 我今日帶埋cherry去,之前o的同事好期待見到佢,算!佢地係好奇心重,但我就覺得無咩特別!(都係o的女同事好奇啫). 入到正題,9:00am到我地就由集合地方鑽石山廣場坐呢過旅遊巴出發,到達起點由五塊田開始行,沿途又晒又崎嶇,呢次我地去係無帶水,因為飲得多,就去得多! 好啦,行到釣魚翁山腳,同事就商討咁上唔上去,因為上山路很斜,差不多要擧上去咁,所以就問大家邊個會上去,呢個蔡主任問我上唔上去,我以為佢會上去!點知我估錯左,最後我決定同cherry上去!我地就只有15個人上去,佢地就去到第二個滙合點等我地! 擧完上去,就係覺得非常之高,而且佢地選擇無上來係正確的,因為下山係非常危險,要坐係到咁下山,又多碎石,好容易差錯腳!"上山容易,落山難"呢句野今次真係體會得到! 成過行程差不多四過鐘,我覺得都幾好,咁多人係到行係碼安全o的啦! 等咁阿銘約我行山,踏單車!唔知等到幾時呢,Sorry,阿花睇唔到你留言話約我去燒野食呀!好想快o的約出來玩呀......... |
Monday 07th November 2005 11:22:57 PM 迪士尼[ 0 messages] General 我約她到迪士尼,迪士尼真係幾好玩,雖然貴就貴o的,細就細o的,但係去到真係好開心!space mountain 好cheap,我咁都玩到,證明我都唔係好驚玩幾動遊戲啫!後悔影唔到好多相,因為唔夠時間呀! |
Thursday 03rd November 2005 12:16:11 AM 我不是攝影師[ 4 messages] General 今晚開全體職大會,大埔Cluster所有職員都要在DECC出席!一開始就介紹下新職員!唉,又要我係90位同事面前介紹自己,我唔鬼識得講野家MA,都來左半年啦,新乜鬼呀! 我一開口,就講我係M.E. ERIC,其他同事就提我,應該係CM ERIC, DECC ERIC 呀,慘呀,中心咁多簡稱,我點知幾時係DECC,幾時係M.E.呀!算呀........即刻交個咪比下一個!! 唔緊要,其實我有一個更重要O既任務,就係開完會幫90位同事影全體職員相,張相會係中心年刊登出,呢個重任其實我真係唔想擔任,我成日同同事講點解唔請個專業攝影師幫我地影,點知助理高級主任同我講你未係專業LAW,唔係呀,成日比咁大壓力我!影得唔靚我會死架,我無呢O的影大團體經驗MA,雖然我攞自己私伙相機影啫,但係我未買外閃呀!好難影都好架,唔係O的學校唔駛請人影啦!雖然前晚同事結婚我幫佢地影左好多相啫,都唔駛當我係專業架! 開會,每個TEAM都有同事做左O的簡報,我AHEAD都唔例外,佢好鬼識做,係咁多位同事面前讚我係那打素協作計劃(莫)後功神,幫佢建立左個平台打通哂醫院與中心長者O的入院情況及資料,可以令長者更快得到Discharge後o既護理. 佢話以前想做做唔到,話我一來就幫佢做到,重問同事我西唔西利!我真係頂佢唔順,我即刻話唔係好西利,你請我食飯就得啦! 到開完會啦,唉要死啦,未開會之前我已經睇好哂位,諗住點影,但都要改一改,因為太多人好難就,我重要擔梯影......我又真係好影相佬咁叫佢地埋位,應該點企呀......攪左成十分鐘先影完......... PS.我唔鐘意人地讚我架,你地讚我比我壓力越大,我對自己要求越高,但一次半次我已經開心架啦! |
Saturday 29th October 2005 12:49:16 AM 同事又結緍[ 0 messages] General 天日同事結緍,所以要去飲,中秋節已經觀左另一個同事在教堂行的結緍典禮之後,咁快又到第二個同事,莫非今年真係雙春堅潤月!又要去奧海城飲,不過都係幾好o既經驗,希望有機會到我啦,不過以我性格都好難會快!又 今日放工同左好多中心同事去左大埔體育館同事打波,差不多乜波都打哂,足足三粒鐘,希望好快又可以再攪呢o的活動啦! 打完之後同左16個同事去左稻香打邊爐,都唔點解叫叫下叫左四十幾碟野,又食唔哂..........不過大家真係幾開心,成日講埋o的不文笑話,被人屈左飲左成支beer,成日話我醉,我都唔知幾清醒,同以前一樣,成日被女仔話同玩,雖然我真係幾鐘意同女仔玩,但我只係鐘意玩,絶無其他意思,但係都會被人誤會........可能由細到大都係同女仔玩多掛..... PS. 同事叫我帶埋相機幫佢地影相,話我影得靚喎,但我一O的都唔覺,成日比咁大壓力我,我邊受得起呀.......... |
Tuesday 25th October 2005 06:20:44 PM 高不成,低不就[ 0 messages] General 作為一間DECC,一定有個COUNTER位,我記得以前MKKFA 都有,但呢到忙到爆!好彩我一星期都坐半節,其他同POST同事就唔同,佢地就要坐足六節!我都知佢地都覺得唔公平,點解我坐半節咁少,佢地要坐咁多!因為以前都係平均分地坐!點解我來到就唔同! 講真坐counter真係唔係我強項,而且坐咁多,我真係唔會留係到做!最近已經有一個同事走左,佢同我同期入來,我諗佢都係因為呢個原因走!講真比我係佢一早走左啦! 雖然好似係特別優待我,但我負責o的野都唔少,Case Managment ,AHNH 協作計劃,Psyc. Clinic個System都係我寫,雖然我成日用自己時間諗,又成日去圖書館硏究,但最後都比我建立到呢個System,但還要不斷去修正!我對呢個system好大期望,因為如果不斷去發展同擴大,一定幫到好多有需要o既人! 點解我唔走呢? 1. First interview時候,我現ahead問過我一條問題: 我地Centre 好需要你呢種人才,但你會唔會做做下唔做,騎牛找馬架? 2.真係唔駛點坐Counter,可以用多o的時間自己建立多o的有用o既野! 3.我只需對我Team 工作同ahead負責! 4.Ahead易溝通,而且是雙向,肯幫我搓腰! 5.我還有很多不足,想體驗多o的! 但我都想有better prospect,所以以上condition有任何變化,我都會有所改變....... |
Tuesday 25th October 2005 06:00:42 PM Psyc Clinic[ 0 messages] General 辛苦?其實唔辛苦,係我比自己太大壓力!對自己要求高啫,我睇來我都係要睇睇自己負責個Psyc. Clinic,不過要找人幫我寫Referal!唔係Dr. Cindy Tam唔肯睇我! PS. Dr. Cindy Tam好似嘉菲貓個女朋友! |
Thursday 07th July 2005 03:21:27 AM 要求太高[ 0 messages] General 我發覺自己對自己要求越來越高,做乜野都係咁,好似工作上,臨急做case management個board咁,得個一兩日時間一個人做,諗都用左我好多時間,到最後都比我完成左,雖然salvation amry最大粒個個到最後都無時間睇.其實我覺得自己做得個board唔夠好,雖然個個同事都話我做得好靚,重笑我問我以前係唔係教o的學生做手工,哈哈.........就係佢地個個都話靚,我先覺得有壓力,真係想拆左鬼佢再做過,不過一日真係唔夠時間做過更加好,其他team個o的同事見到我個board都頂唔順,要求期執一執佢地自己team個board就算,但係我覺得唔可以求期,見到佢地o的board我真係過唔到自己過個關!心機雖然浪費左,我個board最後都無比大老世睇到,但係起碼知道自己做得到! 講到影相,影來影去都唔靚,可能睇完人地o的相,對自己要求又高左!人o既欲望真係無限 .........得一就想二!無野係完美,所以我會經常取捨! |
Friday 01st July 2005 07:14:25 PM 南生圍[ 0 messages] General 7月1日去邊好呢,今年無去遊行,係去遊歷!好可惜都係去唔到,點解?因為行錯路,到知道o既時候,已經太遲!出返原路時先發覺有水渡,唉.............本來好想繼續去,但女友唔係咁舒服,唯有唔去啦,來日方長......... |
Thursday 09th June 2005 11:54:23 PM 請食飯[ 0 messages] General 我個team雖然唔係大,但係做o的野就十分重要!因為我個team係做Case Management Service,所以要處理同解決每一個個案所有生活上同情緒上所有問題,其實係差不多係個案o既顧問一樣!所以都幾煩!活動真係無得比我攪o羅,CASE就大把...........鬼叫我唔係CRND TEAM! 個Team只係有一個隱憂,真係個team個ahead是中心副主任,還要我坐係佢格來,對我來講十分之大壓力!好彩個team還有兩個SW o既同事,今日請左我去對面茶樓食午飯,還有一個admin team o既同事!不過佢地都幾攪笑,係office都無乜野,一出到來食午飯真係幾口直,把工作上不滿乜都講哂出來,聽到連我都差o的笑唔停! 佢地做野事真係認真又專業我都睇到,食飯o既時候我有駛乜咁認真呢? |
Thursday 09th June 2005 11:24:34 PM 新環境[ 0 messages] General 差不多返左２個幾星期，發覺呢到都幾好，有機會發揮我ｏ既才能，還有機會比我學到好多野！我覺得呢到ｏ的職員ｏ既感覺就係兩個字可以形容得到---------（精英)! 比係我之前個兩份工,呢到真係精英，上至SW,下到PW,APW都一樣咁強!我真係唔知追唔追到!但有壓力係好，因為有幸來到呢到,証明我有呢個能耐！負責ｏ既野都比較重要，相信我會越做越好!隨住我枱頭ｏ既３寸file由幾個變成十幾個，其他同事都發覺到我張枱都無位置做野，我隨即講，我地ｏ的枱唔係做野架，係要來罷file架!講真個個同事張枱都係咁架啦!無位唔緊要，最緊要就係唔好無野做!（不過宜家我枱底都要用埋，真係慘!我最初來時張枱乜都無架.................）. |