早前有網友問我點改裝holga 120影135菲林!
今天同大家分享一下自己的小玩意 :)
因為我沒有出去holga專門店買120轉135的工具,所以於早前自行用了膠紙...黑咭....海綿就完成改裝....
1. 避免括花底片, 須要在中間的正方形框左右貼上膠紙
2. 由於135菲林冇120菲林咁高, 所以須要縮短用作過菲林的卷軸,所以我將上下都用海綿包住, 包時候要留意留返少少空隙過片, 菲林盡量唔好掂到D海綿.(有圖)
3.至於左手邊放菲林的地方, 我用了海綿塞住上下兩邊, 只要定好兩邊位置, 唔好俾佢郁動就OK, 我剪到D海綿細細件, 盡量塞滿上下左右D 隙縫已經可以好穩咁定住個菲林.
4.跟住要將HOLGA 120的菲林蓋貼上黑色咭紙, 避免走光!
5.完成內部改裝後, 就到相機的過片方法, 我將圓形的過片掣貼上8點方做過片, 影完一張, 大約過1.25 個圈左右就為之一張, 即經過10點後就可以停.(有圖)
6. 影完一筒後大家一定要係一個漆黑環境拎菲林出黎或者係黑袋內拆出黎, 我就選擇係夜晚"com"住張被拎菲林, 開左個蓋後, 係咁轉到d 菲林入返晒入去菲林筒到就得ga la, 幾分中就攪掂...
不過焗到成身汗, 哈哈!
大家如果想改裝又唔明點做, 可以留言俾我, 大家一齊分享一下 :)
