Thursday 08th November 2007 05:22:12 PM  無價值的犧牲 這店主要提供約七、八種咖喱，當中更可選擇乾或濕，再配以不同的肉類或蔬菜。咖喱種類雖多而且「國際化」，但餐牌上的解說太簡單，唯有碰碰運氣。記得有人推介乾咖喱，就點了一客意大利芝士蒜茸乾咖喱羊架。 等了接近廿分鐘仍不見食物蹤影，本來頗不耐煩了，不過那看上去有點cool的男主理人，回應得友善熱心，叫人氣也消了大半。 待得食物送了上來，他一見我舉機拍照，便立即撲過來把碟邊抹個乾乾淨淨，又問我會不會把照片放上網、有沒有在openrice寫食評等等，真搞笑。 食物本身，就不怎麼樣了。羊架煎得太乾，有部分更燒焦了（不要以為燒焦了的一面朝下放，人家就看不到喇！），味道鹹得來又感覺不出咖喱味，可能是我見識少，不懂得「意大利咖喱」之味。 另上的一碗咖哩汁，即使是用來拌那偏乾偏硬的白飯同吃，也覺油膩得厲害。 這客意大利芝士蒜茸乾咖喱羊架飯，索價好像$68，坦白說，我認為非常不值。但更不值的，是這頓飯肥膩得來不好味，真是犧牲得無價值啊！！ 參考網頁：http://www.openrice.com/restaurant/sr2.htm?shopid=13586 |
Monday 12th November 2007 12:38:57 PM From: blue moon除左印度咖哩, 我對其他都有興趣既, 不過唔係"意大利咖哩"囉, 哈~~ Friday 09th November 2007 12:33:47 PM From: tngan哎﹐咖哩我只喜歡印度大陸的。時間許可得話自己整冇o甘嬲。不然光顧印度餐館算了 :-) Friday 09th November 2007 10:07:55 AM From: blue moon你兩個而家先講...... @@ "地捫乾咖喱"--> 淨係睇個名都唔知係乜, 又無解話, 點叫?? 至於意大利咖哩, 哈哈, 所以我話我見識少囉~~ Thursday 08th November 2007 11:02:03 PM From: oli呢間野真係嘥我quotas呢 Thursday 08th November 2007 08:20:03 PM From: eatcheap佢地個乾咖喱, 只得"地捫乾咖喱" 好食dd, 叫做有茄香同無咁乾...而意大利果隻 真係好乾架..(其實意大利有咖喱既咩..?) 不過兩個月前食過一次, 水準亦真係差左, d野好油...未必會再幫趁了, 反正果頭搵 食, 選擇甚多. |
