« September 2019 »
MoTuWeThFrSaSu
 1
2345678
9101112131415
16171819202122
23242526272829
30 
Saturday 14th April 2007 11:18:16 PM

今日返大陸去舅父常平屋企,媽咪、舅母,芳姨三個人一早上咗去先,而我、舅父、爸爸、嫦姨就放工先至上去。

我本來諗住準時少少放工架,但係可惜我係做不到了,sorry呀,我今日仲要係公司遲咗走添呀...我只好買咗個飽上火車先食囉,但係好橋喎,我搭火車經過九龍塘我見到爸爸上車囉...人哋唔知就以為我哋兩個人約埋一齊添呀...我哋約咗3.00係上水等架,但係我同爸爸都遲到囉...搭完火車仲要搭多2個鐘車先至到呀...

我同嫦姨全部都係傾計多啦,因為大陸搭車好恐怖架...我哋唔洗5.30己經到咗啦...而我哋約咗阿媽地係荔香樓等,跟住就去咗食燒雞,食完燒然就去咗超級市場買生果食喎,我仲好叻呀..我有磅朱朱架,我有107磅呀..我肥咗呀...竟然肥咗呀...

今晚好不幸,熱水爐壞咗呀...攪到要煲水先至有得沖涼呀...但係我冇沖呀...只係抺身就算啦...同埋今日都冇咩出過汗喎,所以唔緊要啦...一晚啫,我都唔明架,係香港又打麻雀,返到大陸都要打麻雀喎,但係今晚芳姨好勁呀,一家嬴三家喎,最後都好彩只係輸咗$300到啫...我、芳姨、嫦姨三個人瞓舅父地張床,好啦...早抖先啦...明天再講呀。

Name
Security code
CAPTCHA Image Reload
Verify security code
Message