« May 2019 »
MoTuWeThFrSaSu
 12345
6789101112
13141516171819
20212223242526
2728293031 
Wednesday 28th February 2007 11:08:00 PM

嘩,今日超早又要起身啦...因為今日要返大陸廠食開年飯呢...實在係一種刺激囉...我真係想死多個出門口呀,但係如果今日唔出現既話來緊將會死得好可憐囉.....救命....

但係今日返到廠都11.00啦...我哋都係例行公事行嚟行去抖吓利是咁囉...good,呢一個job我係最鍾意既啫....跟住冇幾內都己經食午餐啦...我哋係行出去食飯架...去咗廠附近既一間酒樓囉...都忘記咗佢叫咩名囉...食完飯之後我哋諗住可以去整腳架,但係好可惜我哋全部香港上嚟既跟單都要一齊去開會喎,所以呢個夢冇得發啦...放棄啦...

好快又到咗醒師啦...比大家睇吓我哋公司請返嚟既dirty師呀...但係佢都舞咗好鬼內呀...其實佢唔辛苦我都覺得好辛苦呀...因為影相都影到好鬼辛苦呀...

<-等佢去採青啫...快啲啦..好心急呀...

仲有我生平以嚟都係第一次試玩爆棚啫,其實真係好刺激,不過條引實在太短啦...令我好驚呀...所以我放咗一次就算啦...唔想為咗玩而命都冇埋呀..但係希望明年都仲有得繼續啦...好啦...我哋要周圍行吓啦...但係行咗一陣己經需要去開會啦....嘩,拜完神之後我哋食咗幾舊燒豬就要去開今次呢個會我係差啲瞓咗咁囉...實在太無聊啦..叫啲高層去開咪得囉...洗鬼我哋三個am一齊咩...

開完個會之後我哋都準備等開席啦...嘩,好想快啲個天黑啦...因為有得玩煙花呀...我期待咗好內既嘢終於都有得玩啦...係澳門冇得玩,今次返廠竟然有得玩喎,你話唔玩個個都傻架...

原來燒錢真係可以好快架...睇我哋十個人玩咗半個鐘到就己經燒晒啲錢啦...

<-燒錢的第一張

<-燒錢的第二張,但最靚的

good,不過,呢啲實在令人有好回味架,尤其係我囉...雖然同你冇得一齊去玩,但係都覺得好開心架...玩個時我都有諗起你架,可惜有遺憾囉...食完飯仲飲咗呢條村既酒喎,要返屋企啦...我眼瞓啦...好嘢,返到屋企11.00呀...我仲係覺得餓架,因為根本覺得自己好似冇食過嘢咁囉...啲嘢實在唔係我鍾意食架...所以算把啦...又要瞓覺啦...因為明天仲要返工呀...繼續努力啦...早抖先啦...

Name
Security code
CAPTCHA Image Reload
Verify security code
Message