Friday 22nd September 2006 11:55:55 PM 原來眼仔好好玩!![ 0 messages] Love, Friendship 兩日都好忙呀…真係好忙!! 忙咩…嘻嘻…唔話你知! : 有咩好忙呀…咪又係忙於tum我老豆開心! : 衰仔 無辦法啦!距離同呀衰佬見面嘅日子仲有咁長…. 仔 : 有幾長呀…今日都星期五啦!老豆咪話星期六同你去街街囉 媽 : 衰仔…係唔係唔想大?仲唔去瞓喎! …傻佬今日特然講…話覺得自己好幸福…唔知點解…聽到佢咁講…自己個心都突然覺得幸福埋!雖然傻佬無話佢覺得幸福係同我有關…不過,聽到自己嘅愛人講”有好幸福嘅感覺”…自己都會頓時心甜起上嚟…嘻嘻…又傻咗添! 不過真係唔知點解…只要係你面前,我所做嘅一齊都會變得更有意思!唔知你會唔會記住每一次我係眼仔前好傻好傻嘅真人表演呢? *PS: 衰佬…如果你再無端端同我講埋咩好吉呀…唔長又唔短呀...哩啲咁挑逗嘅對白…我…我…我會愛死你架!!嘻嘻
|
Wednesday 20th September 2006 11:55:55 PM 最靚嘅相[ 0 messages] Love, Friendship 今日我收到一張好靚嘅相!除咗係因為傻佬送比我之外…我好開心係因為當你放假嘅時候…就算我唔係你身邊你都會想起我!淨係哩份情…對我嚟講已經係無價寶啦 所以…今日無論我係公司受咗幾多氣…工作有幾辛苦…因為有你對我嘅思念,已經足夠令我什麼不愉快都忘記了! 今日就用哩張咁珍貴嘅相做主題啦!雖然你話哩張相無咩特別…不過對我嚟講就係一張最靚嘅相! 多謝你呀...傻佬老公!
|
Tuesday 19th September 2006 11:55:55 PM 係唔係想煮九大鬼?[ 0 messages] Love, Friendship 今日老闆﹝公司果個呀!﹞出咗trip…以為可以輕鬆啲啦!點知…果然真係天有不測之風雲,人有霎時之頭痕!唔好講飲水…就連想去個廁所偷懶…send個SMS比我個Honey都無時間!點解?…我都唔知…總知我個Title越嚟越長….請我嘅時候明明係人事及行政部助理…攪攪下…變左人事、行政及私人助理…試用期都未過…因為人事變動…我個Title又有變動…人事、行政、私人及市場部總務助理…近來…又有新嘢…所以應該改為人事、行政、私人、市場部總務、倉務及資源掉配助理!~ 攪攪下…好似咩部門嘅任何事都關我事咁? 我上司話…算吧啦…唔好咁長啦…簡單啲 — 總務助理…唔係太長好難記!! 果然係一位百年難得一見嘅好上司!一個字 – 正!! 不過萬事起頭難哩個道理我都明白嘅!我哩個部門經過之前果pat咁嘅所謂人事部主管咁有方嘅領導之下…未散開晒都真係還得神落!﹝連headcount report都做唔好嘅人…點解都可以做到officer嘅呢…真係一個迷﹞之不過咁…唔係佢…我又點會有個咁好嘅發展機會呢?我以家嘅感覺…就好似返咗去教育學院果時咁…所有嘢都好亂…每日都好忙…好多嘢做…不過一班同事好同心合力…所以每一日都過得好開心!而且每改善或set-up好一個task都會好有成功感! 當時嘅我,得一個人;以家嘅我,有棟哩同仔仔係我身邊!所以每一日就算幾忙…只要有你兩個我就咩都唔怕!每當我做到涉氣嘅時候…只要收到獅子爸爸嘅一個來電或者一個SMS,所有辛苦、怨氣都會消失晒!因為只要有你,我做嘅嘢都變得更有意思!(哩句係咪好似曾相識呢…老公) 之旦係…你個衰佬!明知我…最鍾意就係…咩架麻…你今日竟然話我知…以家唔長又唔短…仲要加多句岩岩好!…叫人點忍喎!嬲死你呀!…信唔信我下次工都唔返,即刻捉你上姐姐到煮餐九大鬼呀啦!又冷盤、又熱盤…加多個甜品,再嚟一個餐後特飲…睇你死未!呵呵…(不過睇完你哩個SMS之後…我又的確精神為之一陣嘅!因為知道…你掛住我囉) 獅子爸爸聽日放假!雖然知你病病地…不過你都習慣架啦…係咪?嘻嘻...所以…唔好因為咁而影響到你影靚相嘅水準呀!唔係…家法侍候你呀啦! 媽媽…咩係家法呀? 要你爸爸煮餐勁嘅! …啊!…都係媽咪煮啦…仔仔唔想肚仔痛呀! 是日甜蜜蜜精選: ~時SWEET ~時SWEET MSN 對話方塊!! |
Monday 18th September 2006 11:55:55 PM ~不~可~思~意~星期一~~~[ 0 messages] Love, Friendship 今日我會定名為--”不可思意星期一”! 點解?睇下以下事件你就知: 不可思意事件一: 今朝一早…唔係…係一大清早先岩!竟然收到Belee個電話!無錯!係Belee!!一大清早…以佢哩種生物嚟講…除非無瞓…如果唔係…真係無幾河可以咁早起身!我係唔係應該去買六合彩呢…可能真係會中都唔奇…哈哈!不過真係唔好意思…我當左個電話響係鬧鐘…整息左無聽到…唔好意思呀Belee…希望你去到黃山玩得開心啲!我Honey棟哩噙晚已經教左你用國語嗌--~~招~~MIN~~呀~~希望你用得著啦…一路順風啦! 不可思意事件二: 我上司無返!嚇得我呀…因為我約左個新人返工架麻…點知遲左起身!(仔仔羅…腩到人地咁舒服…叫人邊捨得起身返工喎~.~….加埋臨瞓時衰佬嘅甜言蜜語…YOO!安眠藥…無食好耐啦!就嚟要問醫生…有無啲藥食左會令人無咁好瞓就真!)講返正題先…新人返工如果我遲到…實比人鬧架麻…點知今朝一返到去…咦…無人嘅?等多陣…上司打返嚟…”我隻狗狗有病呀…我唔返得呀今日!”…隻狗病…咁當唔當係病假好呢?等佢聽日返嚟同佢開個會研究下先! 不可思意事件三: 天呀?邊個話失業率高企?邊個話難搵工?邊個話中年人士無人請?家陣我地哩啲專請人嘅人事部專材話過你知…根本唔係哩回事!我地日日簡直受盡折磨…受盡白眼…受盡….總知咩氣都有得受啦…都請唔到人!要求唔係高呀…叫佢send份Resume入嚟先咋麻…cut線事少(係我地比人cut線)…比人用粗口鬧喎…咩世界?你大可以唔做…我又無迫你…係唔係?唔該各位…下次搵工時都禮貌少少呀…我哋都係受人二分四架咋…… 不可思意事件四: 有個一直都出左名難請嘅位…部門嘈左好耐都話請唔到岩嘅人!唔知係我腳頭好定係果個部門好彩數…我接左手之後…一嚟同佢地約左10個人,點知8個放飛機(我喺度嚴重咀咒放飛機唔出聲嘅candidate呀!討厭!!)得兩個人上嚟見…又咁好彩…哩兩個都好岩洗…又咁好彩…部門果邊又好鍾意佢兩個喎…就咁…果個部門哩兩個位就咁比我KO咗!YEAH!真係講都無人信!! 不可思意事件五: 其實…都無咩不可思意架啦…只係覺得四件事唔係咁好聽…係都要加多件咁解架啫!至於第五件不可思意事件係咩呢?吾…比個謎語你哋估下啦!係咩情況下…我同傻佬會又互動又同步呢?…嘻嘻… ...仔仔又唔知得架啦... ...等仔仔你大過啲就會明架啦...
|
Sunday 17th September 2006 11:55:55 PM 輕鬆星期天[ 0 messages] Love, Friendship Sorry呀…傻佬…今朝我哩隻死傻婆掛住睇電視無發覺你一早就send左SMS比我….一定令你好失望呢…無下次!! 無下次!! ^^ 今日我做左個超白痴嘅舉動!將衣櫃裡面所嘅有衫抄晒出嚟…唔係換季噃!做咩嘢?犀利啦!我將我啲衫分開晒SIZE擺…哈…真係唔會有人可以估到!細、中、大竟然連加大都可以係我個衣櫃裡面搵得到!點解我之前可以容許我自己一直咁沉淪落去架?話晒我都不失為一個靚女呀...Honey呵?! (幸好未有加加大碼嘅衫出現…=.=) 之但係…突然多左咁多衫著...都係一件好事嚟嘅^^ (最重要係著得返中細碼啲衫呀麻!嘻嘻)不過…有一樣嘢真係點都著唔返!係咩?HONEY…我哋幾時又去過泰國入貨呀…得啦得啦…唔好初見柱光就沾沾自喜呀麻…因為距離你100分女友哩個目標仲有好好好好好好好大段距離呀麻…係唔係?! OK! 收到晒!p*0*q 我會繼續努力…向住95磅努力架!(其實係向住你請我去日本哩個目標努力就真…呵呵 ) -- 你食住MONICA等我啦! 不過你笑人!>.< 我同你講…當我整哩本相簿嘅時候先發現…原來我成日都幫仔仔影相…仲影左好多添!你咩都無答我…淨係喺度笑!其實你係笑我真係咁傻…定係你都覺得好開心呢?因為…原來哩個世界真係有個咁傻嘅女仔架喎...仲要已經係你身邊添!真係可喜可賀! 今晚臨瞓前…我地仲做左個好攪笑嘅動作…攪咩呀?點解我哋會係度點有幾多存貨嘅?…你估…我地可唔可以打破記錄…係一個月裡面用晒所有存貨呀啦?好!哩個就定為係我地九月大計啦!哈哈!開心死!(仍然好懷念你為我收剪0既後花園!簡直係一個壯舉呀!) : 爸爸今日好辛苦咁背住好重好重0既架餐去左影相呀!...不過佢嘅辛苦一啲都無白費嘅^^因為真係好靚架!比啲你哋睇下啦! 係唔係好型呢!! ..... 我老豆! 嘻嘻 ^^ |
Saturday 16th September 2006 11:55:53 AM [ 0 messages] Love, Friendship 延續住昨天的幸福與滿足...今日做0既, 睇0既, 聽0既...就連吸一口氣, 飲一啖水...都係既香且甜!...連星期六要一早起身返工...都變成一件樂事! 由下星期起...我個傻佬0既例假會由星期五變做星期三lu...敝!咁佢下星期點做泰國團友果個Job呢?? 最攪笑..當我打去比泰國團友...我都未開口...佢竟然先同我講要改期,仲係要改係傻佬放假果日!! 世上竟然真係有咁巧合0既事...令我覺得哩個世上...真係有天意哩回事!好多0野都係上天早有安排...我好慶幸, 上天安排左一個咁好0既傻佬係我身邊! 我一定會好好咁珍惜!! 仲有呀...好多謝傻佬你每一日都為我送上珍貴的禮物!! 呀係..有樣好重要0既0野一定要記低!!(唔記得...呀衰佬話下次就唔比家用我woo!!T.T) -- 傻佬話下次要去烏溪沙影相...仲有要試多D唔同0既角度影同一樣0既0野...仲有仲有...下次要留意ISO0既調較呀!!^^ TO 我最愛0既傻佬--棟哩 好開心...今日見返我果個越戰越勇0既傻佬!! 我同仔仔都會因為有你哩個咁有鬥志同信心0既老公同爸爸而自豪!! ^_^ PS: 你今日比左D相我睇...話你一直都好想影到果一類0既相片...其實有D...你一早就已經影到啦!! 係真架! 你未發覺..只係因為你以家仲好似一壺新酒一樣...隨住時間...我好有信心你一定會變成一壺又香又純0既美酒! |
Friday 15th September 2006 11:55:05 PM 這就是幸福了...[ 0 messages] Love, Friendship 今日好開心…唔係…係超開心先岩!因為好耐無試過咁開心又甜蜜而且…好滿足…好滿足!嘻嘻…因為有個人為左要tum我哩個傻婆開心,專登收輯左佢嘅私家後花園!係呀…就係為左我一個人…效果係點?唔洗講就更係…一個字--GOOD呀!令我不得不影相留念!而且令我開心到唔記得左好多之前話過要做嘅事!(唔得!下次煮飯要做返晒先得…嘻嘻!)! **PS…傻佬…係煮滾左4次…唔係3次呀!傻佬…多謝你!多謝你為我所花嘅心思、所做嘅事!我相信唔會再有其他東西比你擁抱住我嘅時刻更加美好、更加溫暖!雖然我哋喺埋一齊都已有一段日子,不過每次你主動拖我,又或者當你抱住我嘅肥腰…保護我(又或者係鹹濕我),定係你臨別輕輕吻向我的額頭…哩啲小小嘅動作,都仍可以為我帶嚟心跳嘅感覺!(傻佬睇到哩度,一定會講一句…”傻妹” !) ~ 仲有呢...我發現…你近來主動拖我比起岩岩開始一齊時還要多呢…好開心! 話你知呀傻佬!今日臨走嘅時候其實我一D都唔係遲鈍…我扮傻、扮聽唔到,都只係想你再一次肯定你自己對我無用錯稱呼咋!其實當你第一次講嘅時候,我早就已經喺個心到笑左出嚟啦…係你唔發覺咋麻…傻豬!-- 更何況…你個衰佬呀!我仔都同你生埋啦…你仲想走?不過咁…我唯一估唔到嘅係,一向對感情事含蓄嘅你,會喺果個時間對我講哩番話!仲記唔記得當你再一次好肯定咁稱呼你自己係我老公,然後笑住咁責備我真係好遲鈍嘅時候…我立刻跳到你身後好大力咁抱住你,用你身體重重咁壓住我自己?因為只有咁做,我先可以將我本來要流出嚟嘅眼淚壓回下去!再加上你輕輕的一句”傻妹”…係果一刻,所有嘅事我都不再在乎了! 回到家後你對我講…”我沖涼果時有種感覺…其實你都幾鍚我呀”…傻瓜!如果我連自己嘅老公都唔錫…仲會錫邊個呀…豬頭!但最不幸嘅係…我就係偏偏愛上了你哩個豬頭大傻瓜! 今晚…我真係帶住笑容,感受住你留係我身上嘅餘溫…抱住我哋嘅…甜甜地入睡了! 我要嘅幸福…只不過如是…. 傻佬! 我愛你! 我永遠都會只做你一個人嘅傻婆!
甜蜜蜜消夜 要補充返D蛋白質先! 家陣我要左你好多蛋白質咩! 點解無我份架?! |
Thursday 14th September 2006 11:55:05 PM 終於有我地個家啦![ 0 messages] Love, Friendship 究竟哩個獅子家族有咩成員呢? 當然係有... ...才華揚溢0既爸爸 可愛貼心0既媽媽... ...當然仲有我哩個精靈活潑0既仔仔啦!! 想知多D我地哩個家庭發生0既事!咁你就要多D0黎我地哩個家參觀下啦!! *PS: 傻媽咪今日唔知係唔係痴左?! 同完老豆去街返0黎...就一直笑到以家!...死啦....媽咪會唔會醫唔好架>.< |