« July 2018 »
MoTuWeThFrSaSu
 1
2345678
9101112131415
16171819202122
23242526272829
3031 
Tuesday 27th May 2008 12:43:49 PM
商品攝影[ 0 messages] 
美術, 設計, 攝影

好耐冇係到寫過嘢,近排工作又忙、煩事又多!
唉~~希望雨過可以天清啦!
上個月有機會可以當半個職業攝影師,接咗批商品相番黎影,
有幾張要 over 百五 mb 要攞出去比 pro 佬影,番黎啲報價即刻發覺專業攝影師呢行真係可做!
出去Studio跟嗰幾張大相又偷咗唔小師!有嘢學、有得玩!呵呵~~

不過實際影相嘅時間都係嗰三、四日,但係前後期嘅準備同工作足足一個月有多,
攪到成個月都冇放假!呢啲錢真係唔易賺!
攪咗咁耐都係希望個客滿意!以經盡晒力精神上極度超支!要好好休息番幾日先得......

話時話做完呢次半個攝影師之後,對燈光嘅運用又深入咗小小認識,
點樣將一個死物表現得生動、吸引真係真係好深奧!!
其實呢個job真係冇嘜信心!商品攝影係我嘅認知係超高難道!!!

Tuesday 08th January 2008 01:17:16 PM
回看2007年[ 0 messages] 
美術, 設計, 攝影

去年過得平平淡淡沒抽太多時間出外拍攝,

這樣也好每當有機會出外走走都會特別珍惜!沒有震撼的照片只有一些隨緣隨便拍....

*很難忘的一月一日黃昏 (LX2)*  夕陽醉了壹月壹

*有兩小時空檔在一個老區偷閑 (LX2)*  閒步灣仔

*病至差點上不到機的農曆年假-東京行...(E-330)*  東京行

*與兩老友到南丫島一日遊 (E-330)*  南丫島行記

*每年一次最愛的夏荷 (E-330)*  賞夏荷

*第一卷正片!真不得了!中毒極深 !(Contax 139)  正片

*很懷念 E-330 的 A Mode LiveView*  生態雜影

*剛到手的E-510!*  香港濕地公園

*暑假和女兒到 Disney 玩玩 (E-510)*  Hong Kong Disney

07 年拍攝最激烈的一日!曝曬得不似人形!(E-510)*  Wakeboarding Championships 07

*玩水的一天 (E-510)*  城門行

*可能今年秋冬雨水太小,秋葉枯落得很快只乘下小許*  深冬紅葉

Friday 09th February 2007 11:41:18 AM
初試5D[ 0 messages] 
美術, 設計, 攝影

早幾日拎咗 Daniel 部 5D+17-40 試下,用 F.4 影咗張,第一個感覺好親切呀!

好似我用咗 5、6 年嗰部 Nikon 傻瓜 Film 機咁呀!XDDDD

收到 F.8 就冇晒呢啲感覺,反而覺得出 jpeg 顏色比 20D 同 350D 還好!

可能係個寬容度較高!所以畫面顏色比較豐富!

jpeg 都係軟軟咁,反而 RAW 出仲 Sharp 不過色比較淡,比 E-330 RAW 出還淡小小。

跟住梗係試下我支 85mm 菜頭先可能室內試,色彩冇太大感覺,唔似初初用 E-300 時試嗰種驚豔感!

快門感覺幾好喎!冇想象中咁沈重!

VF 大!比 E-1 大好多!但原來手動對焦一樣咁難 =.=!反而 E-1 加咗 ME-1 重易對。

如果講手動對焦,E-330 真係可愛好多!

我買 5D 都係打算一機一 Wide 鏡。

不過整體未吸引到我住,5D+17-40 嘅價錢等如我當年買 E-300+11-22mm+35mm+50-200mm+EC-14 咁價錢,重要用小幾級光圈先好啲>.<"!

太貴去買老鏡感覺唔多值,不如買筒 film 玩還好過。

慢慢玩下 4/3 先啦,電子嘢好快到我目標價嘅姐 ^v^!

過年後得閒啲,借 Bobby 支 16-35 再試!真係好有啲敗家朋友唔洗錢有得玩!呵呵~~










Thursday 01st February 2007 05:39:55 PM
忍痛...[ 0 messages] 
美術, 設計, 攝影

尋日卒之忍痛賣左部 E-1 /.\,用左 9 個月原來只影過兩千零快門,呢部機既操控性同手感真係一流!全天候型!一試難忘!不過始終係多年前既機種電子部分比較落後,不過呢個唔係我賣佢既原因,因為拎佢出街實在太重喇!買左部 330 之後佢都係長期放係防潮箱,真係對佢唔住!所以同佢搵過好人家收留佢啦。
兩位賣家同好幾 Nice 呀!同佢地傾左好耐計 ^.^。

Saturday 27th January 2007 02:40:03 PM
分幫、分派鬥器材!?[ 0 messages] 
美術, 設計, 攝影

尋日有個客問我幫唔幫出面啲人做 Scanning ,個客開左個影會好多 member 都用 film 既,我就話!當然冇問題啦!過門都係客!不過 Drum Scan 成本好貴真係平唔到幾多。
Bobby 同呢個客好熟所以打電話比佢八吓,佢就話:「哦!佢係"銀元派"」!?一頭霧水 ?.? 嘜野"銀元派"呀!?開銀行ka!?佢講左幾次先醒起"銀鹽派"!!即係菲林吓話!嘩!差啲唔記得呢個名詞 >.< !吹左幾句收線。

跟住醒起前排幫呀 "歐拔師兄" Scan 啲 120 佢稱呼我做 "數碼佬"!好老咩!佬佬聲..... =.="


又話說某日食飯諗住買本野嘆吓,正當令起本"攝影雜誌"有人係後面大聲咁同我講!
樓上呀弟哥:「嘜你都影相 ka?( 唔洗咁大聲!成條街啲人都聽到喇!我聽覺正常 ka!) 」
樓下個明哥:「( 比佢嚇一嚇都唔多識答佢 ) 係呀...係呀.......... 」
樓上呀弟哥:「你用咩機ka?數碼定 film ka?」
樓下個明哥:「( 個腦都未轉得切 ) ............................... 」
樓上呀弟哥:「( 佢以經用高八度既聲音講 ) 我用" Mark II "啦、"蝦嫂"啦、重有..................!!!!」
樓下個明哥:「( 嘩!個心諗你一開口就掟十幾廿萬過黎!都重未講鏡!講o麻重得掂!我成個防潮箱入面啲野都未夠你部 "Mark II" 貴 啦!我重有咩好講呀 /.\ !即刻收自已皮啦! ) 哦........哦.........我用 dc 仔咋有時用吓傻瓜 film 機咁啦!食飯冇野做買本書睇吓姐,唔同你講喇!食完飯趕往開工!88~」
跟住餐飯食左都係背脊骨落........................................!


點解影圈咁得意既?要分幫、分派鬥器材!?唔係大家最終目的都係要個影像結果既咩?數碼、菲林有咩分別呀?器材貴賤有咩分別呀?邊間廠出有咩分別呀?好似我咁個客比咩我咪做咩囉,我理得佢用咩機、咩料都係咁做!最終都係想出黎個效果多人喜歡姐!睇嗰個又唔係專家鬼理你個過程用嘜出咩!咁鬼多野嘈、咁鬼多野比、咁鬼多野爭!可能自已影左冇耐相唔係好明呢個圈啲生態?網上網下日日都有野嘈既!煩!
都唔好理咁多囉!同呀 VAN 影多啲靚靚相好過!^.^

Tuesday 16th January 2007 12:26:13 AM
愛得太遲[ 0 messages] 
美術, 設計, 攝影

尋日下午幫呀 VAN 攞藥見未夠鐘有啲時間,行左去灣仔舊時中學附近北帝廟、藍屋、船街鬼屋、厚豐里、月街、星街...............舊屎都唔知幾多木樓梯舊樓依家都拆得七七八八囉!得番藍屋好似陳列品咁 ,北帝廟入面又唔比影相......冇癮,船街鬼屋邊得咁多鬼丫當年成日同啲同學入去玩嫁啦!依家似危樓多啲又鎖住晒!可能年紀大左啲記憶越來越模糊,如果早啲喜歡攝影既可能啲記憶會清晰些。

話時話自已一個行呢啲地方真係有啲寒寒地 >~<

Tuesday 02nd January 2007 03:56:20 PM
好開始![ 0 messages] 
美術, 設計, 攝影

昨晚同 Daniel 出左會展影相,試下大家都買左同一款既 DC ,點知個天靚到丫!狂影 2GB 都唔夠!爽死!

唔知部野做嘜影 RAW 會連 JPEG 都出既?!2GB 影得 80 零張 =.=" ,睇 menu 都重未搵到可唔可淨出 RAW!

不過咁.........新一天就有好開始!好事黎ka!^.^ 希望今年好運 d 啦!

Saturday 09th December 2006 03:30:22 PM
ED 8mm F3.5 Fisheye[ 0 messages] 
美術, 設計, 攝影

試下 OLYMPUS Studio 個 Fisheye Correction
E-330 + ZD fisheye 8mm 直出 JPEG ( Setting VIVID, 對比+ 1 ) PS Resize,+Shapness ,Cropping


Fisheye

OLYMPUS Studio's / Fisheye Correction "Zoom 0"

OLYMPUS Studio's / Fisheye Correction "Zoom 25" Crop to 3:2

OLYMPUS Studio's / Fisheye Correction "Zoom 70" Crop to 16:9

Fisheye

OLYMPUS Studio's / Fisheye Correction "Zoom 0"

OLYMPUS Studio's / Fisheye Correction "Zoom 25" Crop to 3:2

OLYMPUS Studio's / Fisheye Correction "Zoom 70" Crop to 16:9

遲啲得閒再試清楚成像如何^^

Tuesday 10th October 2006 07:33:48 PM
追火龍[ 0 messages] 
美術, 設計, 攝影



諗番上星期"迎月"o個日得閒又o岩o岩有帶相機係身,走o左落去影火龍 (話說都十多二十年未睇過....汗) 7:30去到....嘩!好多人呀!好多相機呀!即刻好掛住屋企張H有d想番屋企 =.="...........諗o左陣都黎到冇理由走ka喎撘o左幾蚊MTR!死就死啦!衝呀!好 High呀!好好玩呀!下年一定再玩過^o^!

0.145235061646
無分類(38)
美術, 設計, 攝影(9)
電腦相關(2)
友情愛情(2)
周遊列國(6)

忍痛...愛得太遲好開始!ED 8mm F3.5 Fisheye