Tuesday 24th October 2006 05:14:01 PM 六千五百萬[ 0 messages] General 今晚六合彩有六千五百萬，當然一定有買，希望看看有無咁好彩，需則知道頭獎這家野唔係咁易...事旦中幾百蚊都好。 人是在壓力下生存，人俾人既壓力係無形既。不論在家人同事或者至親的人都一樣，每個人都有自己想法，覺得邊樣係對邊樣係不對，永遠都是主觀的。我覺得自己做法無問題唔代表他人的想法一致，要得到互相的一樣看法係好難的事，要支持對方去做一件事都唔係咁易，做人應該點做?
剛剛看到網上的一個blog，是講租金全包.....分享下 不知從何時開始，租樓流行 (全包)，所謂全包，即租客付一個數，業主收了，就要代付管理費，和差餉，於是業主收到的一笔數，扣除管理費，差餉，餘下的才是租金。 究其原因，這全都是地產代理取巧之作，因這樣一來，他們就可以全數收取佣金，換句話說，是連管理費也收取雙重佣金，業主與租客都付出了屬於管理費部份的佣金，但很奇怪，從沒有人提出質疑，甚至是業主會，多年來，地產代理多收的管理費佣金，可算天文數字。 業主每年報物業稅，很多人也會連代收之管理費也一起報上，那是極不公平合理的，以我個人做法，每次簽租約，都會清楚寫明，租金及管理費數目，假如租客願意，就請他自已交管理費，因他住在該處，他交管理費會較方便，而付予代理之佣金，則按淨租金計算，那麽一來，業主與租客都會省一些。 |
Saturday 21st October 2006 10:27:25 AM 人與人的相處[ 0 messages] General 今日看到一段野好有同感 (既然咁辛苦~而你又有能力~應該搬出去好d~ 屋企人個方面其實真係有其他辦法繼續同佢地有相處既時間~ 珍惜家人唔係咁架~係互相尊重~用行動去關懷~ 而唔係不斷去作出無謂既忍受~ 咁只會相方都辛苦~ 另外其實溝通係最重要既~你要同佢地認認真真咁坐係到同佢地傾下呢個問題~ 你唔講~佢地唔知俾左咁多壓力你~ 人俾人既壓力係無形既~佢地會察覺唔到~無形之間俾左壓力你~ 大家一家人~有傾有講先維繫到感情架~ 大家收收埋埋係行唔通架~) 人同人相處真的好難，永遠覺得不對都是隻狗....什麼什麼都因牠，將所有不對事情都放在牠身上，就因牠不懂說話就比隻死貓佢食，唔卦得之咁多流浪狗... 人是多麼的自私，當然自己也是，所有所有的事情一次又一次發生，莫非搬真的是唯一出路，忍受忍受壓力壓力，我已經盡量去就，什麼都避開是否佢會滿足佢會高興，似乎又未必係，佢係皇帝我只係一隻狗。 |
Friday 11th August 2006 06:05:55 PM 欲水[ 0 messages] General 慾水 試聽一下 http://jwl.hairunqianyi.com/download/mp3/ys.wma 這首係在神鵬俠侶的一首歌，我非常欣賞佢的歌詞／音韻和美麗的女聲，每次聽都觸動心靈。另外一首主題曲天下無雙張靚穎唱的，都是一首好動人的歌，原來作品又是小蟲。
|
Saturday 20th May 2006 10:32:21 AM 又一城[ 0 messages] General 5月19日星期五晚上我約左兩位朋友幫我補祝生日，佢地係AK & Billy，當晚我地去左又一城的EXP食dinner，原來我去過咁多次又一城都無過去這間食過野，發覺這間野的食物真的唔錯，上菜又快，最好味就是個Pizza，比起 Pizza Hut 好味好多，我食左三件呀!真係飽死...ha ha.. 之後AK仲要話去Pacific coffee食甜品，我真係無能為力，實左太飽，我只好飲柸我最喜愛的Cappuccino，飲過好幾間的coffee cafe，都係Pacific Coffee 的 Cappuccino係最好飲。 多謝曬AK & Billy的晚餐/甜品和禮物，好開心你們記得我生日，還有AK你以後要小心地騎馬啦!努力呀!希望你能找到你的夢想，有機會我都再想看你的馬術比賽。
|
Tuesday 16th May 2006 02:27:44 PM My Birthday in Ocean Park[ 3 messages] General
5月13日是我的生日，當日一大清早就去Ocean Park，仲唸住唔會好多人點知一去到金鐘就鬼咁多人，hee hee..當日我係免費入場架!因生日正日去係唔洗錢架!一入到門口我地就立即上山因我要看海洋劇場，記得小學時看過，之後就算去都無看，今次我一定要去看表演，因希望能影到海豚呢!看完表演我地就立即下山，去雀鳥居影雀，點知比0的蚊咬到死，突然間下起大雨來，唉..攪乜鬼..，影完雀我地又上山..ha ha...好似上上落落咁....出發去影海獅，佢地游得非常之快，要捕捉佢地係好難呢!跟住去鯊魚館，跟本唔洗影...黑到死.....終於我地去今次的目的影水母，好多人排隊呢!入到去真係勁難影，人又多又黑....我仲要拿住支長鏡，企在人群最後zoom過去影...我在這裡我真係逗留左好耐，死都唔肯走..hee hee...因真的好靚。最後我還去左影魚/蝶/熊貓等....累到死...離開海洋公園我地去銅鑼灣Outback食飯，真的好好味.....今日真係一個好充足的生日。 |
Art, Photography(2)
Culture(1)
Entertainment(2)
Food(2)
Fashion, Beauty(1)
Love, Friendship(2)
Music(2)
Pet, Animals(9)
Travel(2)
