2006年1月14日 (星期六)

行程: 築地 > 橫濱

今日一早訓到未訓醒就要去築地 !  由於要睇人地賣魚就真係要太早起身, 所以都係縮沙, 只係去左食好新鮮既魚生早飯 !  初時先d舖頭都唔係好長龍, 又怕食完先行會收晒檔, 咪行完先食囉~  點知係咁二兜完一圈返黎, 就大鑊勒 !  排晒長龍~  我初時仲諗住去試下狗友介紹果間正野食, 不過真係太長龍啦, 所以求其入左一間好樣d既舖頭食 !  呢間雖然冇人排隊, 不過一d都唔差, 仲幾好味 !  仲有好多賣完魚既工人一齊食, 幾有風味添 !

睇下 ... 係咪好吸引, 好想食呢~~~

之後就要諗下下一站去邊好~ 諗左一陣之後, 就決定去橫濱 !  因為之前兩年去都日日唔落雨, 就係去橫濱果日就落大雨, 所以今次就死唔信邪, 誓要去多次 .... 點知 ... 又衰左, 真係又落大雨, 仲要係大大大大果隻雨 !  仲諗住去影靚風景, 點知就咩都影唔到 !  

好大雨啊~~~

不過都算叫做不枉此行, 因為係我心愛既Snoopy Town度又買到正野啦~  第一就係Cookie Mode, 第二就係一個用黎放Ear Pins既擺設 !  之後仲去埋紅倉庫果邊, 仲比左好多錢畫左一張肖像畫 !  連相架, 成￥３２００架 !

是日晚餐:  (好好味既燒豚肉飯, 仲好平添呀 ! )

戰利品:

(1) o係築地買既海老燒蛋, 成為￥800 !

(2) o係香港賣到好貴望左好耐都唔捨得買既Adidas X Stella Macartney Collection, 因為一個減字, 所以買左 !

(3) 仲有Snoopy Town 買既餅模同Ear Pins Holder!  最後, 就緊係果張只係畫左十分鐘左右, 要成三千二果張畫