2006年1月11日 (星期三)
行程: 原宿 > 吉祥寺 > 池袋
今日一早第一個任務就係殺落原宿, 買左狗仔衫先, 因為好多款都係手快有手慢冇, 所以點都要去左先 ! 一去到已經見到有香港人係果度入貨返香港賣, 所以我都唔執輸, 快快手拎晒我想買既野先,! 雖然只係買到兩件, 不過都好開心 ~ 因為個Staff送左一個老虎仔造型既扮野帽仔比我 ! 睇過啦 .... 全部Shop仲賣緊¥1200一個架 !
之後又去左附近o既Mall度行下, 行下行下, 又係買左o野, 真係平到你唔信 ! 之前一日係新宿見到仲係做緊半價, 我就打算等到臨走時做3折先至買, 點知今日已經做3折, 平時香港賣緊成千蚊件架 ! 係日本平d之餘仲做埋3折, 所以都係忍唔到手買左~ 幾百蚊一件褸 ... 都唔係好過份o者 ~~~
去到原宿, 就緊係一定要去我最愛既Snoopy Town啦~ 當然不負眾望, 又失守係果度 ! 不過今年已經收歛左好多啦, 只係買左d比較實用既野, 裝飾擺設通通冇買到 !
行完原宿, 就去左吉祥寺 ... 當然又係為左狗仔野而去啦 ! 因為舊年o係果度買過好平既Doggyman小食, 所以今年再去過 !
行完原來都成4點幾, 全日都未食過野, 所以就食左少少野就返酒店放低d野先, 再去池袋行街食飯 !
未食飯前, 發現左個街頭小食, 好好味架 ! 就係超大粒既芝士味章魚燒 !
戰利品: