2005年11月14日 (星期一)
本來尋晚睏得4個鐘今朝好眼睏, 不過當LUNCH時收到一個好好好好既朋友既報喜來電後, 就成個人都醒晒, 仲開心到好似自己嫁女咁添呀 !
首先要恭喜我呢一位人生中最好既朋友, 佢將會o係下一年o既十一月結婚啦~
其實初時一收到POPO你既電話時, 覺得好突然, 雖然你地結婚都係意料中事, 不過就真係冇估到快成咁, 畢業一年就要做『太太』, 但我好快就成個人回晒魂, 因為實在太開心啦 ... 終到等到你地果餐 ~
就係你一個既電話, 就令到我成個下晝都好醒神, 好似返番去以前讀書時咁, 成個人工作都好似有衝勁o的 ! 我好耐都未試過再好100%認真地去做好自己既工作啦, 同以前比, 真係低晒WATT !
同時, 亦到令到我好懷念以前一齊讀書, 做PROJECT, 為PRESENT徹夜不休, 一齊去旅行 ... 的日子! 真係好幸運地能夠識到你呢班咁好既朋友 ! 要搵一班真正交心既朋友, 相信只有在讀書時先至會搵到 ! 雖然大家而家工作都咁忙, 冇咩時間可以再好似以前咁又ICQ, 又傾電話, 但咁唔代表我已經忘記左你地, 我係一個唔會主動打電話比你地但個心會好掛住你地既人, 相信同你地識左咁耐, 你地一定知架呵~~
出左黎打社會工, 數一數都已經一年零五個月啦, 雖然出黎GATHERING既次數唔係好多, 不過間中既一個電話, 都已經可以維繫到大家既友誼 ! 你話呢班咁好既朋友係邊度搵丫 ! 出左黎打工, 先知道出面真係『世途險惡』, 以為可以安份守己就咩事都冇, 點知估唔到係公司以外會惹到是非, 有人在背後中傷, 離間身邊的朋友已經係一件小事, 幸好仲未遇到一D毒害我既人! 所以都係要盡快配番副眼鏡, 望野清楚o的好 !
ANYWAY我再一次係呢度祝我的好朋友『百年好合, 永結同心』
好一個大雄與靜宜的大團圓