2005年10月11日 (星期二)

今日有少少風, 但都好曬呀 ! 仍不失為一個行山既好日子!

今日出發前, 見到Dumbo好似好悶, 又冇咩試過去街, 之前話同佢去游水又冇去到, 所以決定帶埋佢去行山 !

個衰仔初時真係唔肯行, 係度扮死要人抱, 不過經過一輪糾纏之後, 佢要屈服要自己行, 再加上好多狗都行左去, 佢又想跟住玩, 所以都自己開始行!

初時好多人都好擔心Dumbo會中暑同埋行唔到, 不過到最後佢都自己行左兩個鐘~   o係呢兩個鐘入面, 沿路不斷都有好多人話佢好靚添呀 !  原本個行程要行4個小時, 不過一來我怕太夜回程返屋企同家人食飯會太趕, 同埋怕Dumbo第一次行山會支持唔住, 所以中斷時我地都決定自己走先 !

尋日Goofy既偷食症又發作啦 .... 佢冇再o係行山時摷垃圾食好耐架啦, 尋日開始時都有好多機會食野佢都冇食到, 但差不多行完時佢都偷左一次垃圾食, 唔知係咪因為佢嬲呢 ?!    因為尋日我地怕Dumbo會太熱, 所以飲水又比佢飲先,  食又比佢食先, 所以佢唔鐘意呢 ?!  不過好彩佢又冇同Dumbo打交, Dumbo拎佢d野食佢又唔會嬲o者 !