2005年9月11日 (星期日)

嘩 .... o牛左兩個星期, 高飛終於有街去啦~

Chole就真係唔話得, 自己要上大陸唔去玩都叫Jessie孖我同Ewa去行山 !  尋日果個行程, 雖然係平路, 全程冇樓梯, 但都有好多暗鈄位, 所以行完一程都唔少野, 行到腳仔都有少少抽筋 (尋晚就睇住Goofy爬係度時係咁抽 ... 真可憐) !  好在, 都有影到靚相, 辛苦少少都係值既~

原來行山真係好好玩, 睇住Goofy一路行, 一路跳, 睇住Goofy玩到咁開心, 自己都開心埋 ! 尤其係高飛仔好鍾意跑山同玩水, 呢d行程夠晒安全, 真係岩晒佢~

尋日個行程就真係可以用 『平,靚,,正』o黎形容, 因為兩個人一隻狗過埋海, 去埋鯉景灣晚飯, 都只係用左$230大元, 真係抵到爛呀 !  仲可以玩足一日添~

今日語錄:『飛飛 ..... 你真係好論盡呀 !』