今日太開心啦 ...老闆終於去完旅行返黎啦 ... 仲有手信添啦 >.<  另外有封開工利是 ... 好大封呀 ... 打開黎睇時開心得好緊要 !  因為本身要大出血買個頭龜架, 不過而家有得幫補下 ~

放左工, 第一時間出左車迷迷度睇頭龜, 睇到之前想買, 好女仔果個花既RFX-VOUGE, 仲要比預計平左, Size又岩, 不過Bagelma 既Advice就係唔come睇又唔易襯, 佢話不如買同花第二個色, 不過佢地冇呀, 我打過去代理問, 佢地最快要4月先返到貨, 所以就揀左我個Second Choice X-9 JOTUS, 呢個要貴成$600架, 其實唔買佢, 我會多左舊錢買支鏡架, 不過最後我都係選擇比多D錢, 買個好少少既 ...因為呢個款係第二高級既款, 有晒JIS, SNELL & MFJ認可, 仲有得拆綿 !  相對地RFX系係同款中最低級, 只有JIS, 冇得拆綿 ... 其實本身想求期買個Solid Color算啦 ... 不過得黑色同灰色 ... 屋企已經有個黑色, 所以都係決定買個令少少既 ! 所以封開工利是已經用黎津貼晒落個頭度啦 !!  黎緊個月仲要慳D洗添呀 !  至於支SB600, 50mm f/1.8 & 腳架 ... 而家變左做一個頭~ 

可能有人會覺得好戇居, 一千幾百都買到個Full Face啦, 為乜要買個咁貴既 ... 但想落戴Full Face真係好鬼熱架, 唔買個通風好d既, 真係好惡頂架 !  同埋又唔想冇左個下爬同耳仔呢  ... 因為今日聽到人講佢朋友既經歷, 用左個防撞程度比較低既頭, 最後一次意外, 耳仔都爆埋 !   加上今日亞Sir打電話黎捉我去上堂, 話要我試渣Fairing出街, 講真我真係冇信心, 條路又多彎, 真係好驚, 所以先迫使我急住今日放工去買番個頭 !