今早本身計劃左去貝沙灣, 不過最後見個天好似想落雨咁, 所以大家就取消左 ... 誰不知全日都不知幾好天, 都冇雨, 激死呀 !!

到中午訓醒, EE已經出左紅磡同Oscar玩啦, 不過我心大心細, 高飛豬又訓緊覺, 攪攪下都冇出到~  之後就決定左出九龍城食Dinner算 !   我地就由紅磡行左幾個山頭過九龍城Dog House Cafe度食Dinner, 果度d野食都幾好食, 又大份 !  最後都好貪心咁叫多個甜品 ... 但就比Moses先食為快 ... 咪左少少 ... 之後Goofy見Moses食完, 佢又唔執輸, 舔返啖 !  真係比佢地笑死 ~

另外, 尋晚好在冇比班人氹到出去玩咋 !!  都話左濕地唔出去架啦 ... 粒粒初時都係話唔出架, 唔知邊個打比佢話個地乾左, 叫左佢出 ... 最後咪發生左意外囉 !  好在係小事無大礙咋 !