今日放工返到屋企, 收到老豆打黎既電話, 問我有冇野做, 無既就帶埋Goofy落樓, 仲以為攪d咩野 ... 點知 ... 佢話車Goofy入大清水度走番轉 ! OH ... 得條狗帶咩都冇喎 ... 最後放左Goofy係個地臺度, 再係停車場試左轉, 見佢唔多郁, 就出發入左去大清 !  沿路佢都係眼定定望風景, 只係停車時佢就間時轉一轉身 / 頭望下第二邊~  當到左大清停車場時, 我都貪得意, 係停車場度載住Goofy兜左幾個圈, 好好玩呀... 佢又好乖仔冇郁坐定定 !  真係好希望有一日可以自己載住佢遊車河 !