今日d亞蛇好好火呀 ... 一入到去Office拎完車, 已經有個亞蛇入黎講晒粗口鬧 ... 話d學生完全唔掂 ... 當時得我一個係學生既係度 ... 場面都幾尷尬下  ...  之後亞蛇就繼續鬧, 佢話班考強制既, 平時唔練車, 今日考先一次過黎借晒佢d車走 ... 仲要一朝就已經比佢地跌爛左7架車, 激到佢啤啤聲 ...

其實對我都有影響架, 因為冇晒車, 所以今日冇車揀 , 仲要出左馬路, 先知架車有少少問題, 但同亞Sir講, 佢話我轉波有問題, 我都知有時係我有問題, 不過問題從未試過大成咁, 行行下跳左半個波, 架車係度"卡卡卡卡 ..." 咁行, 一係就彈左去空波 !  成架車Choke一 Choke, 仲要勁響 ... 真係嚇死我 ... 幾驚成個跌左係度!  最後, 上鈄坡8字前, 亞Sir為安全起見, 佢都幫我試左架車先比我再上鈄坡 !  佢一試完, 佢都發覺原來真係架車有問題, 仲要係比佢一試完之後, 連波都轉唔到添 ... kaka ... 好在係佢試壞架車, 如果唔係要我賠錢咪死~ 

今日我自己都估唔到練習8字會咁順, 反而比路面仲好 !  路面就比架車攪到o徒左鐘, 練極都唔順~  希望下次唔好再拎架爛車去練啦 ... 會"地"人架 !