今朝聽到呢個消息 ... 真係覺得太突然 ... 好似有不能相信既感覺 ... 但確實 ... 我可愛又最錫既契細佬FyFy尋晚因為意外而去左彩虹橋~

真係太突然 ... 亦都覺得FyFy佢真係好坎坷 ... 細細個係寵物店賣唔出, 困係個籠度攪到爛pat pat, 兩邊大脾都有條永遠都磨滅唔到長長既疤痕 !  好在最後比Lydia見到, 接左你返屋企, 再輾轉地去了你媽媽Carrie度先再有溫暖的家~  計一計 ... 你地都一齊生活左一年半啦~  仲記得第一次見你, 係你接左去Carrie屋企既翌日, 我仲急不及待Lunch時要去你屋企探你~  你真係一位好有魅力, 好活潑可愛既小朋友 !  每次見到你, 你都會請我食手掌 ... 成隻手放左入我個口度 ... 我都明白你腳長控制唔到 ... 但我真係好懷念呀 ....

今天的晚上, 見到你後 ... 真係好心痛 ... 忍不住了 ... 摸著你冷冰冰既頭仔 ... 送你最後一程 !

雖然你一生短暫, 但總算精彩過, 有好多好鍚你既哥哥姐姐~  希望你係彩虹橋度生活得開開心心, 唔會再有人蝦你~  Rest In Peace