今早Morning Call 未到我就醒左 ... 因為表哥表弟佢地D噪音實在太勁啦 ... kaka~~  所以好快就可以執好行李落去嘆早餐 !   食完早餐, 我地就開始出發去Koh Chang啦 !  搭左成4個幾鐘頭車先到 .... 碼頭 !  仲要以為係跟車上船, 點知原來個司機唔去, 最後就只有人上船, 落船後就再搭當地既Taxi去酒店 !  個司機懵下懵下, 就咁就話到, 好在佢地醒目, 叫個司機問清楚先咋, 如果唔係, 真係落錯車啦 ~~ 

大家放低行李, 又係食野既時間, K.S.同埋表弟就決定左租電單車, 我都心思思架, 不過又驚喎 ... 最後, 當食完野後, Agnes叫K.S.同我出去兜個圈試下渣唔渣到先再決定租唔租車 ... 兜完圈之後就車都Book埋 !  渣日頭就驚 ... 點知到左黃昏諗住大家一齊渣車出去買d野返酒店時, 去果程都仲好好, 冇之前咁驚, 但買完野, 返去果程就真係好驚 ... 因為個天黑晒啦 ... 我又發覺自己開始睇唔到路, 又未試過渣夜晚, 仲要出馬路 ... 好在有驚無險返到酒店 !  到出去食飯果程我都唔敢再渣啦 !

今晚我地就去左個沙灘度食晚飯, 好Relax 呀 !