尋日放工打返屋企, 諗住問下老豆返左屋企未, Goofy有冇係度嘈, 有冇賴尿 ... 點知通通都冇 !  初時諗住買個籠返去等冇人時困住Goofy, 又可以當廁所用, 不過最後老豆話唔好, 冇咁大地方放咁大個籠, 買細既佢又辛苦, 話買個廁所盤返去算啦喎, 照綁佢係度, 活動範圍都可以行均成個露台既~

一返到屋企, 佢好乖呀, 冇衝出門口, 連老豆出去倒垃圾都冇走左出去 !  到左今朝, 就開始覺Goofy有少少不尋常啦 ... 我比糧佢食, 佢行黎行去, 好似唔願食咁, 到我指住叫佢食時, 佢又食左少少就行 ... 攪左好耐先食晒d糧 !  到我出門口時, 佢見我著鞋 ... 已經走左出露台準備綁住佢果個位度等我 ...直至出門口一聲都冇叫過, 淨係望住我 ... 夠究佢係乖仔定係唔開心呢~