今日一早起身準備去101比高會function, 點知一早約好左一齊book車既Suyi佢甩底, 話要遲d去喎~~ 一早call台又未有人返工, Book唔到車, 想叫大表姐車埋我, 不過又估佢唔得, 因為佢得一個籠, 同埋佢Daddy要一早出門口去YL ! 最後就要搵表弟囉 (唔該晒表弟呀 ) !  睇表弟都冇咁早起身架啦, 所以搭的士去Join佢車 !  一早入到狗公園 ... 冇人喎 !  所以就有時間影下相, 跑下草地咁 !  之後開始多人時, 玩玩下唔見左Goofy ... 嚇死 ... 原來佢自己出左去, 仲走埋去泳池個圍欄度 ... butbut話佢想游水喎 ... 我見一言驚醒, 最後放左佢去游水, 佢就定返好多 !  之後因為要係泳池看住goofy,睇到佢地係BBQ場果度好忙呀... 但我幫唔到手,我都唔係幾好意思! 

到左食野時間 ... 正呀, d野食好好味呀 !  食完之後就玩遊戲 , 不過唔知係咪因為晏成3點完開始, 最後玩左一陣, 好多人都走左 ... 玩到差不多5點, d會員都開始唔多願郁, 又真係晏啦 ... 最後都係終止活動頒獎結束活動 !  完左之後, Popo就想同Dondon游多陣水, 所以就等埋佢, 之後就再去返大棠食國慶晚飯~~

食完晚飯就跟表弟車走, 跟下跟下 ... 就做左好多野囉 .... 入油洗車行山 ... kaka !  我諗d人都覺我地chichiday, 夜媽媽拖住隻狗上山 ! 但見到Goofy同Phoebe fing晒尾咁係咁行, 我估佢地都好開心 !  緊係啦, 真係玩足一日呀 ... 上山下水都玩均晒 !  佢地仲好識嘆, 落車就玩, 上車就訓, 我都想做佢地呀 !   返到屋企, Goofy就繼續訓, 我就做到死, 又要Upload D相, 等d會員第二朝一訓醒就有相睇嘛~