今日去左一個比高會新朋友仔屋企食飯呀 ! Flora佢煮餸真係一流, 首先飯前小食煎雞軟骨已經好好食, 到之後晚餐仲得, 有煎大蝦, 東風螺, 醉雞翼, 蒜茸西芹炒珊瑚蚌, 金華火腿玉子豆腐, 煎蘸節瓜, 咖哩牛腩, 鹽燒三文魚頭, 仲有青紅蘿蔔瘦肉湯 ! 飯後仲有甜品楊枝金露同埋酸忌廉芝士蛋糕 ! 食完真係捧住個肚走~~ 今日仲發現原來Flora佢運動好叻架, 有好多獎杯, 有女子獨木舟冠軍呀, 女子游知幾多米亞軍咁~ 除左運動, D手作仔一樣掂, 十字繡一屋都係, 仲有房既穿珠仔飾物, 真係多得緊要 !! 佢老公都唔弱, 除左有好多單車之外, 佢屋企都係自己整架 ! 連個天花同睡房都係自己起出黎 ! 令到我同Agnes都覺好慘, 屋企果個乜都唔識做, 要我地自己做 ! 唉~~~~