« July 2019 »
MoTuWeThFrSaSu
1234567
891011121314
15161718192021
22232425262728
293031 
Wednesday 09th August 2006 09:40:41 PM

今日原本去睇叮噹, 不過大部份既戲院都唔會係放工後既場數度放映, 所以最後都返左屋企!  係屋企冇野做, 見有機會打大風, 所以就同左Goofy出去打一年一次既混合針同埋三年一次既瘋狗針 !  本身諗住比個機會亞大少照顧下隻狗, 比佢Hold住隻狗比醫生打針, 點知佢真係教極都唔識, 攪到針就打唔到, 仲攪到Goofy We嘩鬼叫 !  人地出面唔知以為虐蓄 !  攪完一輪, 最後都係勉強打到支針, 不過就攪到Goofy好痛 !  醫生又懵懵地, 淨係打左混合, 唔知要幫Goofy打埋瘋狗, 諗住都好, 多一次機會比大少練習多次 ... 最終都係唔得, 又係鬼殺咁嘈, 最後都要我出馬, 係我既幫手下, 醫生打完支針, Goofy都唔知發生咩事 ~~  唉 ... 睇怕都係以後唔駛旨意有人會幫我照顧到Goofy架啦 !

另外, 今日咁岩Dumbo返左黎沖涼, 有得見佢啦~ 佢好醒呀, 佢係美容房應該就見唔到我地, 不過我地一開門時, 佢已經係度UnUn叫, 好似真係知Goofy黎左同佢玩咁 ! 

冇見一排, Dumbo又大個仔左,  又令仔左, D毛仲長左好多 !  最重要就係皮膚都好番好多 !

最後, 當然一定又要講一講Jackie啦~ 佢雖然仲未行到, 而行到既機會亦好微, 不過大家都冇放棄過, 日日同佢物理治療同埋幫佢做針灸 !  Jackie而家瘦番好多, 仲精神左好多添呀~  睇見咁都安樂晒 !

臨走前, 診所仲送左一盒照耳仔既Gift比我, 返到屋企試用, 又好似真係幾好用咁 !  打針已經係因為用積分換, 所以唔駛錢, 而家仲要送多盒野, 攪到好似又食又拎咁添 ... kaka~~~

Name
Security code
CAPTCHA Image Reload
Verify security code
Message