今日約好左Suyi Family一齊入去狗公園度游水, 不過又遇返上次果班不友善既人 ! 我地已經好小心睇住自己d狗架啦, 廢事攪到佢地,不過呢班人真係小家到爆, 我地d狗掂佢地d玩具就唔得, 但佢地成班狗拎晒我地d玩具玩就得, 仲要咬晒上岸, 攬住係咁"咪", 我地都冇出過聲 ! 就算佢地自己隻Beagle走埋黎搶野食, 攪到我一身濕晒我都冇咩所謂, 有野食預埋佢隻狗果份, 同得狗出黎玩就預左隻隻狗都係咁架啦，　所以大家都冇咩所謂~   點知Goofy個衰仔又唔生性, 玩左咁耐佢都好乖, 冇攪事, 但就係尾聲時先走去拎左人地包雞條, 一拎時都已經比人捉住左, 當時Suyi已經第一時間扯住Goofy條Choke Chain同時叫果個大舊衰放手先，　點知果個大舊衰仲係咁扯住　Goofy條頸唔肯放手，　仲要發惡鬧人，　真係無品　！　鬧到最後冇野好鬧就叫人賠返包野食比佢，　真係攪笑，　我隻狗又冇食到，　賠咩比你先　！　你d狗夠食左好我多野啦，　又玩我地d玩具，　係咪又要叫你賠返比我地丫　！

我地又冇話要自己隻狗岩晒，　偷完都已經第一時間捉住左，Sorry又Say左，　你放手既，　我咪綁返好隻狗再賠返比你囉，又冇講過唔賠返比你！　叫個大舊衰放手又唔放，　死扯住隻狗條頸都唔知為咩，　扮有型咩～～　好蝦唔蝦，　走去蝦隻狗，　都已經唔係人黎啦，　仲要蝦埋兩個女人，　一d風度都冇，　咁小家既男人真係第一次見　！　後尾先知呢個人真係好有問題，　自己帶朋友黎游水，　報細數，　仲夾硬要場主平比佢，　佢都shot shot地架　！　多果幾十蚊，　你唔係比唔起呀嘛，　仲話點同個朋友交代喎，　交代唔到，　你咪自己比囉～　叫人減價不遂，　就”小”人地，　真係不知所謂呀　！！！！！！