今日一朝早就落晒大雨啦~~ 雖然停左陣, 不過去到搵駁艇時又再落過, 好在上灘時又停返, 之後都冇再落過 ! 天氣仲非常之好, 有陽光, 曬得黎又唔太熱同曬過頭, 天公造美 ! 本來我地想去大蛇灣, 不過因為果度因為開左好多海鮮檔, 所以唔比我地上去玩 ! 艇家想叫我地去白腊, 但我地一致反對, 因為太多人識去啦, 咁多人, 我地帶住狗, 一定玩唔到之餘又比人投訴, 再唔係, 就一定會有狗打交 ! 最後, 我地都係去左舊年比高會去過既南豐灣, 舊年就去又多蠔殼又拮腳既側灘, 今年就去正灘~
Goofy今年玩得好落力, 直頭爭d就游埋去遊艇果邊度, 好叻仔呀 ! 不過就有d擔心萬一佢有事我去唔到救佢 ! 有兩次仲差d嚇死我, d舢舨唔睇狗架, 爭d撞埋Goofy度, 好在Stanley幫我喝一喝叫佢地睇住 ! 跟住果隻舢舨係岸邊又好似想向後退, 又爭d撞到Goofy, 怕左佢地, 行去挨山邊度玩 ! 玩到3點, 大家都開始執野走, 準時4點回程, 返到去碼頭先玩大抽獎 ! 6點多已經返到屋企, 攪掂晒所有野, 食埋飯, 坐左陣, 都頂唔順, 未到9點就去搵周公, 我同Goofy都不醒人事~~