« November 2019 »
MoTuWeThFrSaSu
 123
45678910
11121314151617
18192021222324
252627282930 
Sunday 07th May 2006 11:36:16 PM

今日又要一早起身, 因為又約左『無良訓犬之家』佢地入去八鄉度游水兼玩障礙賽 !  入到去又撞到Bagelma佢地一家入去玩添 !  Goofy佢一連游左3個鐘頭水, 之後仲接住上埋兩小時既障礙賽訓練 ... 佢就唔多覺攰, 不過我就攰到死左半人條命 !  玩完之後, 就覺得Goofy始終都係岩玩呢一d跳跳紮既活動~  最衰就係Goofy仲未可以甩繩玩住, 如果唔係, 佢就會更加感受到冇繩既自由自在, 同埋跳得順好多 !   真係估唔到Goofy好肯同我跑, 上Dog Walk同埋A-film仲好自發性上添呀, 真係名符其實既百厭仔 !  不過都有小插曲架 ... 我爭d整親Goofy都唔知 !  事緣係上A字板時, 佢上又快, 落又快, 不過落時快得滯, 爭d拗柴我都唔知 ... 好在Vincent之後講返比我知, 下一轉慢d時佢就好左好多 !  同埋Vincent仲話Goofy已經被征召入香港代表隊 .... 仲話佢玩得幾好~  不過最衰佢跟住我呢個懶主人啦, 如果唔係, 佢應該假以時日, 真係可以參加下呢d agility既比賽既~~  我都會試下同佢玩多幾次, 睇下係咪真係好大興趣去玩agility先 !  不過有師太一齊玩既, 就可能會有熱誠好多 !

玩足一日, 終於到食晚飯既時間 !  放低Goofy返屋企後, 就放低埋小寶寶, 我地就去會合Vincent去麻辣掌門人度食 !  果度唔駛等位, 每人$170就有魚生刺身, 又有邊邊打, 都算係幾抵食 !  不過個麻辣就真係唔知辣左去邊, 因為連我咁 ... 唔食得辣既都食到 !  最後, 亞師太仲請左我地去義順食雙皮奶添呀 >.< 多謝師太 !!

返到屋企, 就見到Goofy一隻死豬咁訓係度郁都唔郁~~  緊係啦 ... 9日入面, 佢游足5日水呀 !  難為我成個假期就比晒佢, 仲要用晒我d錢 T-T

Tuesday 09th May 2006 02:31:08 PM
From: Edma
好玩呀~~ 不過都要有你係度同我玩先至先玩 (o*.*o)

Tuesday 09th May 2006 12:25:01 AM
From: suyi
障礙好玩呢???!!!! 以後一齊玩啦,當做運動須便修身, 正正正!! 希望金金快D好返, 今個WEEKEND再出動!!

Name
Security code
CAPTCHA Image Reload
Verify security code
Message