今個假期好開心呀 !  因為帶左Goofy去香港狗公園一連游左三日水 ! 星期六游完水後, Suyi就再打黎約我星期日又去過 !  到左星期日既凌晨5點多時佢就send左個sms比我話已經入左  Vincent 度, 心諗個八婆一係就係整蠱我, 一係就係又試失眠, 所以咁早就入左去, 到我朝早一起身打比佢時, 發現佢真係入左 Vincent度, 因為之前一晚佢地係銅鑼灣相遇, 再食晚飯, 食完就即興帶埋兩個寶貝入左去 !  所以我都中午時入去狗公園度Join佢地游水 ~

到左夜晚, 同Suyi, Man, Vincent & Shirley一齊去晚飯, 我地放低晒d寶貝狗就出左去上水食, 食到一半時 Vincent又話即興要去買Dessert, 食完飯就返左去狗場, 去左Vincent屋企度食Dessert同飲Coffee ... 不過Vincent實在太好客, 又幾好傾, 所以最後就留左我地係佢度住多一晚! 我同Suyi就去左狗房度餵班寶貝仔先, 不過Goofy好扭計, 死都要走, 唔留係度, 反而Boogie同Sunkist就好乖咁留係狗房度休息 !其實尋晚都有少少擔心架, 因為Goofy咁大個仔都未試過同其他狗困埋於一個冇人理既籠入面架, 再者, Goofy佢成日蝦亞小寶寶, 所以都幾驚佢同打小寶寶, 又驚佢個百厭星周圍跳, 整親亞Sunkist老人家, 所以真係好擔心, 不過 ... 最後三隻小寶貝咩事都冇發生過~

今朝一早就起左身, 不過亞Suyi又唔願起身, 最後, Vincent都車左我過狗公園同Goofｙ玩住先, 之後Bagelma, 蓮蓮同Celia都咁岩今日有去玩到, 到左6點因為趕住返屋企食飯, 所以自己Book車走先 !  Shirley仲話好歡迎我地再去佢度宿營添呀~~  仲引誘我地留多日 ... 雖然我地都好想 ... 不過最衰大家第二日都要返工啦 >.<

我同Suyi & Man都玩得好開心, 因為好有渡假Feel, 最開心就係好似去左一個Short trip咁, 最最最最最重要係一個可以帶埋狗狗一齊去既trip, 所以好難忘呀 \(^o^)/ !

P.S.我等緊下次係大草地度Camping, 同d小寶貝一齊訓 q(+o+)p